बॉलिवूडची डिंपल क्वीन प्रीती झिंटा तिच्या चाहत्यांची मनं जिंकण्याची एकही संधी सोडत नाही. अभिनेत्रीने ‘दिल’ चित्रपटातून बॉलिवूडमध्ये पदार्पण केले. याशिवाय ‘चोरी चोरी चुपके चुपके’, ‘दिल चाहता है’, ‘दिल है तुम्हारा’, ‘कभी अलविदा ना कहना, ‘कल हो ना हो’ अशा अनेक हिंदी चित्रपटांमधून तिने चाहत्यांच्या मनात घर केले. प्रितीने २०१६ मध्ये जीन गुडइनफशी लग्न केले. लग्नाच्या पाच वर्षानंतर, या जोडप्याने सरोगसीद्वारे जय व जिया या जुळ्या मुलांचे स्वागत केले. पण लग्नाआधीच प्रीती झिंटा ३४ मुलांची आई बनली. (Preity Zinta On Adoptetion)
प्रीती झिंटा नेहमीच अतिशय साधे व सरळ आयुष्य जगते. हिंदी चित्रपटांमध्ये ती एक जबरदस्त अभिनेत्री असली तरी तिला आयुष्यात अनेक समस्यांना तोंड द्यावे लागले आहे. अभिनेत्रीच्या वयाच्या १३व्या वर्षी तिचे वडील दुर्गानंद झिंटा कार अपघातात मृत्युमुखी पडले आणि तिची आई गंभीर जखमी झाली. ती १५ वर्षांची असताना तिच्या आईचेही निधन झाले. त्यानंतर अभिनेत्रीने इंडस्ट्रीत स्वत:चे नाव कमावण्यासाठी कठोर परिश्रम केले.
अभिनेत्री असण्याबरोबरचं प्रीती झिंटा अनेक प्रकारची सामाजिक कार्ये देखील करते, ज्याद्वारे ती वंचित महिला आणि मुलांना मदत करते. मात्र, २००९ मध्ये तिच्या ३४व्या वाढदिवशी प्रितीने स्वत:ला एक सुंदर भेट दिली होती. दिवाने ऋषिकेश येथील मदर मिरॅकल अनाथाश्रमातील ३४ अनाथ मुलींना तिने दत्तक घेण्याचा निर्णय घेतला. एका आघाडीच्या दैनिकाला दिलेल्या जुन्या मुलाखतीत प्रिती झिंटाने ३४ अनाथ मुलींना दत्तक घेण्याबाबत सांगितले होते. अभिनेत्रीने सांगितले की, ती या ३४ मुलींच्या संपूर्ण संगोपनाची काळजी घेईल, ज्यात त्यांचे शिक्षण खर्च, जेवण, कपडे आणि बरेच काही समाविष्ट आहे.
या गोंडस मुलांबद्दल बोलताना प्रिती म्हणाली की, “त्यांचे बोलणे ऐकून तिला खूप भरून येते. तिने या ३४ मुलींना आपली मुलं आणि आपली जबाबदारी म्हटलं आहे. वर्षातून दोनदा ती त्यांना भेटायलाही जाते”. प्रितीने सांगितले की, “ती आगामी काळात आणखी मुले दत्तक घेणार असून या ३४ मुलींना दत्तक घेणे ही तिच्यासाठी फक्त सुरुवात आहे.१८ नोव्हेंबर २०२१ रोजी प्रितीने तिच्या इन्स्टा हँडलवर पती जीन गुडइनफबरोबर एक सेल्फी पोस्ट केला होता. फोटो शेअर करताना, अभिनेत्रीने खुलासा केला की ते सरोगसीद्वारे जय व जिया या दोन सुंदर जुळ्या मुलांचे पालक झाले असून अभिनेत्रीने तिच्या संपूर्ण प्रवासात मदत करणाऱ्या डॉक्टर व परिचारिकांचेही आभार मानले.
