अभिनेता रितेश देशमुख व अभिनेत्री जेनेलिया देशमुख हे सिनेसृष्टीतील लोकप्रिय कपलपैकी एक आहे. बॉलिवूडसह त्यांनी हिंदी सिनेसृष्टीतही आपल्या नावाचा दबदबा तयार केला आहे. रितेश व जेनेलिया यांच्याकडे आदर्श जोडपं म्हणून पाहिलं जातं. सोशल मीडियावर ही जोडी नेहमीच सक्रिय असलेली पाहायला मिळते. नेहमीच काही ना काही शेअर करत ही जोडी चाहत्यांच्या संपर्कात राहत असते. एकमेकांबरोबरचे अनेक रील-व्हिडीओ शेअर करत ते चाहत्यांच्या संपर्कात राहत असतात. (Genelia Deshmukh Vatpornima)
महाराष्ट्राचे लाडके दादा वहिनी अशी ओळख या दोघांना मिळाली आहे. दहा वर्ष रिलेशनशिपमध्ये राहिल्यानंतर रितेश व जिनिलीयाने लग्नगाठ बांधली. जवळपास १० वर्षे डेट केल्यावर ३ फेब्रुवारी २०१२ रोजी या जोडीने शाही विवाहसोहळा उरकला. मराठीसह बॉलिवूड सिनेसृष्टीतही या जोडीने आपल्या अभिनयाची छाप सोडली. यंदा त्यांच्या संसाराला १२ वर्षे पूर्ण झाली आहेत. नवरा-बायको व आई-बाबा म्हणून ही जोडी नेहमीच आपलं कर्तव्य पार पाडताना दिसते.
अशातच जेनेलियाच्या इन्स्टाग्राम स्टोरीवरील व्हिडीओने साऱ्यांचं लक्ष वेधलं आहे. जेनेलियाने रितेशच्या दीर्घायुष्यासाठी वटपौर्णिमेची पूजा केली आहे. वटपौर्णिमेच्या उपवास धरत तिने वडाला फेऱ्या मारतानाचा एक व्हिडीओ शेअर केला आहे. घरातल्या घरात वडाची पूजा तिने केली आहे. याशिवाय तिने घरातल्या देवघरातील देवांचेही आशीर्वाद घेतले आहेत. “माझा प्रिय नवरा रितेश, तुझ्याशिवाय एक दिवसही राहू शकत नाही. तुम्हाला माझं आयुष्यही लाभो”, असं कॅप्शन देत तिने हा व्हिडीओ शेअर केला आहे.
जेनेलियाने वटपौर्णिमेचे पूजा करताना शेअर केलेल्या व्हिडीओमध्ये देशमुखांच्या घरातील देवघराचे दर्शन होत आहे. सुंदर अशा सजवलेल्या या देवघराने लक्ष वेधून घेतलं असून मन प्रसन्न केलं आहे. वटपौर्णिमेची पूजा करत जेनेलियाने देशमुखांची परंपरा जपली आहे. अगदी साध्या पद्धतीने आणि घरच्या घरीच तिने ही पूजा केली आहे.