‘वटपौर्णिमा’ हा हिंदू संस्कृतीतील एक महत्वाचा सण मानला जातो. या दिवशी महिलांनी वटवृक्षाची पूजा केल्यास नवऱ्याचे आयुष्य वाढते अशी मान्यता आहे. त्यामुळे आजचा हा वटपौर्णिमेचा सण अगदी सर्वसामान्य महिलांपासून ते मालिकेतील अभिनेत्रींपर्यंत जवळपास सगळ्याच जणी साजरा करत आहेत. अशातच झी मराठी वहिनीवरील ‘शिवा’ मालिकेतही हा हा सण मोठ्या धुमधडाक्यात साजरा होणार आहे.
झी मराठीवरील मालिकांच्या वटपौर्णिमा स्पेशल भागानिमित्त ‘इट्स मज्जा’ने ‘शिवा’ मालिकेच्या ‘शिवा’ म्हणजेच अभिनेत्री पूर्वा फडकेशी खास संवाद साधला. यानिमित्ताने पूर्वाने तिच्या ‘शिवा’ मालिकेतील भूमिकेबद्दल व तिच्या खऱ्या आयुष्याबद्दल खास संवाद साधला. यावेळी पूर्वाला तिच्या खऱ्या आयुष्यातील वटपौर्णिमाबद्दल ही खास प्रश्न विचारण्यात आला. यावेळी पूर्वाने लग्नानंतर कधीच वटपौर्णिमा साजरी केली नसल्याचे कारण सांगितले आहे.
याबद्दल बोलताना पूर्वाने असं म्हटलं की, “मी असं म्हणणार नाही की काही करावं लागतं किंवा काय. पण मी गोडाधोडाचं काहीतरी करते. पण मी काय असं फार महान करणार नाही. मालिकेत शिवा’ भूमिकेच्या माध्यमातून इतकं करत आहे की, खऱ्या आयुष्यात पूर्वाचंही होऊन जातं. त्यामुळे खरं सांगायचं झालं तर मी असं काही केलं नाही आहे”.
यापुढे तिने असं म्हटलं आहे की, “मी लग्नाआधी फक्त एकमेव उपवास करायचे. लग्नाआधी मी फक्त गणपतीच्या दिवसांत हरतालिकेचा उपवास करायचे. पार्वतीने जो उपवास केला होता. तोच एक उपवास मी फक्त वर्षातून एकदा करते. कारण तो एक उपवास केल्यामुळे नवरा चांगला मिळतो असं म्हणतात आणि तो मला मिळाला”.
आणखी वाचा – Video : बायको वडाची पूजा करण्यासाठी पोहोचताच प्रथमेश परबने शूट केला खास व्हिडीओ, क्षितिजा म्हणाली, “नवरोबा…”
दरम्यान, मालिकेत शिवा-आशू यांचे लग्न झाले असून त्यांच्या नात्यात आता आणखी नवीन काय वळण येणार? हे बघण्यासाठी प्रेक्षक खूपच उत्सुक आहेत. तसेच वटपौर्णिमेच्या खास भागांची प्रेक्षकांना उत्सुकता लागून राहिली आहे.
