Deepika Padukone Ranveer Singh Daughter : अखेर चाहत्यांची प्रतीक्षा संपली आहे. दिवाळीच्या दिवसांतच दीपिका पदुकोण आणि रणवीर सिंग यांनी चाहत्यांना सुखद धक्का दिला आहे. त्यांनी दिवाळीच्या म्हणजेच लक्ष्मीपूजनच्या शुभ मुहूर्तावर लेक दुआचा चेहरा साऱ्या जगाला दाखवला आहे. दीपिका आणि रणवीरने शेअर केलेल्या या खास फोटोने सोशल मीडियावर चांगलीच खळबळ उडाली. त्यांनी रणवीर आणि दीपिकाचे बालपणीचे फोटो शेअर करण्यास सुरुवात केली. आणि यावरुन त्यांची लेक कोणासारखी दिसतेय यावर चर्चा सुरु झाली. हे फोटो पाहून कोणी म्हणतंय की ती दीपिकासारखी दिसत आहे तर कोणी म्हणत आहे की, तिची रंगरेषाही वडील रणवीरवर गेली आहेत.
त्यानंतर दीपिका पदुकोण आणि रणवीर सिंग यांनी सोशल मीडियावर त्यांच्या लाडक्या दुआची झलक शेअर केली आहे. यावर चाहत्यांनी भरभरुन प्रतिक्रिया दिल्या आहेत. एकजण म्हणाला, “दीपिकासारख हसू, रणवीरसारखा चेहरा”. तर दुसऱ्या एकाने म्हटलं आहे की, “ती तिच्या वडिलांसारखी दिसते, पण तिचे कान तिच्या आईसारखे आहेत”. तर आणखी एकाने म्हटलं आहे की, “उंच उंची, डिंपल्स, गोंडस कान, दीपिकासारखे डोळे, बाकी सर्व काही रणवीरसारखे. दोन्हीचे मिश्रण”.
या फोटोंमध्ये आई आणि मुलगी दोघीही लाल रंगाच्या कपड्यात ट्विनिंग करताना दिसल्या आहेत. दुआने पोनीटेल बांधला आहे. कपाळावर छोटीशी बिंदी लावून दुआ कधी हसताना दिसली आहे तर कधी बोटाने इशारा करताना दिसत आहे. एका फोटोत तर ती हात जोडून आईच्या मांडीवर आहे. आणि पूजा करण्यात व्यस्त आहे. अनेक वर्षे डेट केल्यानंतर रणवीर आणि दीपिकाने २०१८ मध्ये लग्न केले. दुआच्या जन्मानंतर सुमारे दोन महिन्यांनी त्याने आपल्या मुलीचे नाव उघड केले. दुआ म्हणजे प्रार्थना.
आणखी वाचा – ‘चला हवा येऊ द्या’ फेम अभिनेता झाला बाबा, घरी चिमुकल्याचे आगमन, पहिला फोटो समोर
बॉलीवूडचं स्टार कपल म्हणून ओळखल्या जाणाऱ्या रणवीर-दीपिकाला ८ सप्टेंबर २०२४ रोजी गोंडस मुलगी झाली. सोशल मीडियावर पोस्ट शेअर करत दीपिका पादुकोणने घरात लक्ष्मी आल्याची आनंदाची बातमी सर्वांना दिली होती. आज वर्षभराने दिवाळीच्या शुभमुहूर्तावर दीपिका-रणवीरने त्यांच्या घरच्या लक्ष्मीचा म्हणजेच दुआचा फेस सोशल मीडियावर रिव्हिल केला आहे.
