Ashvini Mahangade Short Film: ‘आई कुठे काय करते’ या मालिकेच्या माध्यमातून अभिनेत्री अश्विनी महांगडे घराघरात पोहचली.अभिनयसोबतच अश्विनी सामाजिक कार्यात विशेष लक्ष देताना पाहायला मिळते.समाजाप्रती, गड, किल्ले यांविषयी तिची असणारी तळमळ याचं देखील चाहत्यांनी कायम कौतुक केलं आहे.(Ashvini Mahangade Short Film)
स्वातंत्र्य दिनाचं औचित्य साधत अश्विनीची शॉर्ट फिल्म प्रेक्षकांच्या भेटीस (Ashvini Mahangade Short Film)
अश्विनी तिच्या वैयक्तिक आयुष्यामुळे देखील विशेष चर्चेत असते. अश्विनीने तिच्या सोशल मिडीयावर देखील मोठ्या प्रमाणात सक्रिय असते.स्वातंत्र्य दिनाचं निमित्त साधत अश्विनीची नवीन शॉर्ट फिल्म प्रेक्षकांच्या भेटीला आली.ही शॉर्ट फिल्म मुलींच्या जीवनावर आधारित आहे. दररोज कामावर जाणाऱ्या मुलीचा रस्त्यावरील गुंडांकडून होणारा छळ आणि त्यानंतर ती मुलगी अन्यायाविरुद्ध कशी लढा देते? यावर आधारित शॉर्ट फिल्मचे कथानक आहे.
प्रत्येक मुलीने स्वत:चे रक्षण केले पाहिजे असा संदेश शॉर्ट फिल्मच्या माध्यमांतून देण्यात आला आहे. तसेच महिलांची छेडछाड करणे हा भारतीय दंड संहिता कलम ३५४ नुसार गुन्हा असून १ वर्षांपासून ते ५ वर्षांपर्यंत शिक्षा होऊ शकते असेही या शॉर्ट फिल्मच्या शेवटी सांगण्यात आले आहे. (Ashvini Mahangade Short Film)
हे देखील वाचा : अभिनेते शरद पोंक्षे करणार ‘मी नथूराम गोडसे बोलतोय’ नाटकाचे केवळ ५० प्रयोग, ‘हे’ आहे कारण
अश्विनीने तिच्या इंस्टाग्राम अकाउंट वरून या शॉर्ट फिल्मशी संबंधित एक पोस्ट केली आहे. या पोस्टच्या कॅप्शन मध्ये तिने म्हंटल आहे, “स्वातंत्र्यदिनाच्या हार्दिक शुभेच्छा.या शॉर्ट फिल्म ची सुरुवात जरी मी आणि भाग्यशाली राऊत ने केली असली तरी यात काम करणारे आणि या प्रवासात आमच्यासोबत असणाऱ्या सगळ्यांनी प्रचंड मेहनत केली”. चाहत्यांनी देखील कमेंट करत अश्विनीचं कौतुक केलं आहे. तसेच अजूनही स्त्री खऱ्या अर्थाने स्वतंत्र, सुरक्षित आहे का? हा विचार ही शॉर्ट फिल्म करायला लावते. तसेच अश्विनी सध्या ‘महाराष्ट्र शाहीर’ या चित्रपटात देखील झळकली.
