अगदी शेवटच्या श्वासापर्यंत काम करत राहायचं आणि प्रेक्षकांचं मनोरंजन करायचं हेच प्रत्येक कलाकाराचं स्वप्न असतं. वय झाल्यानंतरही थोडं का होईना पण कलेशी निगडीत राहायला कलाकारांना आवडतं. पण बऱ्याचदा कलाकार एक वेगळीच तक्रार करताना दिसतात. वयोवृद्ध कलाकारांना फारसं लक्षात ठेवलं जात नाही असा नाराजीचा सूर कुठेतरी दिसतो. काही अंशी पाहता ते बरोबरही आहे असं वाटतं. मात्र सुप्रसिद्ध अभिनेते धर्मेंद्र याला अपवाद आहेत. वयाच्या ८९व्या वर्षीही ते तितकेच फिट आहेत. सध्या धर्मेंद्र इंडस्ट्रीमध्ये कार्यरत नसले तरी विविध फोटो व व्हिडीओ सोशल मीडियावर शेअर करताना दिसतात. (dharmendra speed boat video)
धर्मेंद्र आता वयाची नव्वदी गाठतील. मात्र नवनवीन गोष्टी करण्यासाठी ते तितकेच उत्साही असतात. मध्यंतरी त्यांचा व्यायाम करतानाचा व्हिडीओ सोशल मीडियावर वेगाने व्हायरल झाला होता. आताही धर्मेंद्र यांनी शेअर केलेला एक व्हिडीओ चर्चेचा विषय ठरत आहे. या व्हिडीओमध्ये ते स्पीड बोट चालवताना दिसत आहेत. बोट चालवतानाचा त्यांचा उत्साह आणि चेहऱ्यावरचा आनंद अगदी पाहण्यासारखा आहे.
आणखी वाचा – “तुमचंही वय होईल, तुम्हालाही मरण…”, मरण, वयावरुन डिवचणाऱ्यांना अमिताभ बच्चन यांचं उत्तर, हटके रिप्लाय
इतकंच काय तर बोट चालवत ते गाणं गात आहेत. ‘आज मौसम बडा बेइमान है’ गाणं धर्मेंद्र गात आहेत. धर्मेंद्र यांनी व्हिडीओ शेअर करत म्हटलं की, “एक उत्तम माणूस बिक्रमला भेटण्यासाठी मी त्याच्याच बोटीमधून जात आहे. एकदम थ्रीलिंग आणि आनंद देणारा हा प्रवास आहे”. धर्मेंद्र यांच्या या व्हिडीओला काही तासांमध्येच हजारो व्ह्युज व लाइक्स मिळाले आहेत. तसेच कमेंट करत नेटकऱ्यांनी कौतुक केलं.
तुम्ही असंच एन्जॉय करा खूप छान वाटतं, तुम्हाला आणखी आयुष्य लाभो, तुम्ही नेहमीच खूश राहा आणि असेच कायम हसत राहा, तुमच्या दिर्घायुष्यासाठी आम्ही देवाकडे प्रार्थना करत आहोत, तुम्ही ९० चे नाहीत तर १९ वर्षाचे वाटता. अशा विविध कमेंट नेटकऱ्यांनी केल्या. काही दिवसांपूर्वीच धर्मेंद्र यांनी शेअर केलेल्या एका व्हिडीओमध्ये ते शायरी करताना दिसत होते. त्यांच्या या व्हिडीओलाही प्रेक्षकांचा उत्तम प्रतिसाद मिळाला. इन्स्टाग्रामवर त्यांचे २ मिलियनपेक्षा अधिक फॉलोअर्स आहेत.
