Niranjan Kulkarni Wedding : मराठी मनोरंजन सृष्टीत अशी बरीच कलाकार मंडळी आहेत ज्यांनी गपचूप लग्नगाठ बांधली आहे आणि त्यानंतर ते चर्चेत आले आहेत. या कलाकारांच्या यादीत आता आणखी एका मराठमोळ्या अभिनेत्याचे नाव समोर आले आहे. हा अभिनेता मालिकाविश्वातील लोकप्रिय चेहऱ्यापैकी एक आहे. हे नाव म्हणजे निरंजन कुलकर्णी. आई कुठे काय करते या मालिकेतून निरंजनने अरुंधतीच्या मोठ्या मुलाची म्हणेजच अभिषेक देशमुख ही भूमिका साकारली होती. या भूमिकेमुळे निरंजनला विशेष लोकप्रियता मिळाली. आता निरंजन त्याच्या वैयक्तिक आयुष्यामुळे चर्चेत आला आहे. अभिनेत्याने गुपचूप लग्न केले असून त्याच्या शाही लग्नाचे फोटो शेअर करत त्याने ही आनंदाची बातमी दिली आहे.
सोशल मीडियावर निरंजन बऱ्यापैकी सक्रिय असतो. बरेचदा तो फोटो, व्हिडीओ शेअर करत चाहत्यांच्या संपर्कात असतो. अशातच निरंजनने आता थेट सोशल मीडियावर लग्नसोहळ्याची गुडन्यूज देणारा एक व्हिडीओ शेअर करत ही आनंदाची बातमी देत सुखद धक्का दिला आहे. निरंजनचे हे लग्न डेस्टिनेशन वेडिंग असल्याचं व्हिडीओमधून समोर येत आहे. अगदी राजेशाही थाटामाटात हा विवाहसोहळा संपन्न झाला असल्याचं व्हिडीओमध्ये दिसत आहे.
आणखी वाचा – ‘वाकडतोंडी’ म्हणत पारूबरोबरचा फोटो शेअर करणं अभिनेत्याला पडलं महागात, कमेंट करत म्हणाली, “स्वतःच किती…”
सुंदर अशी सजावट, समुद्र किनारा अशा रम्य ठिकाणी निरंजनचा विवाहसोहळा संपन्न झाला आहे. निरंजन व त्याची पत्नी या व्हिडीओमध्ये एकमेकांना वरमाला घालताना दिसत आहेत. तर उपस्थित पाहुणे, कुटुंबीय, जवळचे नातेवाईक या जोडप्यावर फुलांचा वर्षाव करताना दिसत आहेत. निरंजनने हा व्हिडीओ शेअर करत, “आमच्या प्रेमाची नवी सुरुवात” असं कॅप्शन दिलं आहे. कॅप्शनच्या खाली अभिनेत्याने “लग्न, रिसेप्शन, डेस्टिनेशन वेडिंग, वेडिंग सेलिब्रेशन”, असे हॅशटॅग त्याने वापरले आहेत.
निरंजनच्या पत्नीचं नाव मनीषा गुरम असे आहे. मनीषा ही न्यूट्रिशनिस्ट व लाइफस्टाइल एक्स्पर्ट म्हणून काम पाहते असं तिच्या बायोमध्ये मेन्शन करण्यात आले आहे. निरंजनने शेअर केलेल्या रिसेप्शनच्या व्हिडीओमध्ये दोघांनी लग्नासाठी इंडोवेस्टर्न लूक केल्याचं पाहायला मिळत आहे. निरंजन यावेळी काळ्या रंगाच्या सूटमध्ये खूप खास दिसत होता. तर त्याची पत्नी मनीषा ही वेस्टर्न गाऊनमध्ये खूप सुंदर दिसत होती. त्यांच्या रिसेप्शनचा सिनेमॅटिक व्हिडीओ सध्या तुफान व्हायरल होत आहे. अनेक कलाकार मंडळींनीही निरंजनच्या या व्हिडीओवर शुभेच्छांचा वर्षाव केला आहे.
