‘आई कुठे काय करते’ मालिकेतून घराघरांत पोहोचलेले अभिनेते म्हणजे मिलिंद गवळी. आजवर मिलिंद यांनी अनेक मालिका, चित्रपटांमध्ये काम केलं आहे. मात्र त्यांना खऱ्या अर्थाने लोकप्रियता मिळाली ती ‘आई कुठे काय करते’ मालिकेमुळेच. मिलिंद यांचा सोशल मीडियावरील वावरही बऱ्यापैकी मोठा आहे. नेहमीच ते कोणत्या ना कोणत्या विषयावर भाष्य करणाऱ्या पोस्ट शेअर करत असतात. अशातच मिलिंद यांनी त्यांच्या रील लाईफमुळे त्यांच्या रिअल लाईफमध्ये त्यांना कोणत्या अडचणी येतात याबद्दल भाष्य केलं आहे. रील लाईफमुळे कित्येकदा या कलाकारांना त्यांच्या लाईफस्टाईमध्ये बदल करता येत नाहीत यावर ही त्यांनी पोस्ट करत भाष्य केलं आहे. (Milind Gawali New Post)
यावेळी मिलिंद यांनी केस कापतानाचा एक व्हिडीओ इंस्टाग्रामवरून शेअर केला असून, त्याखाली कॅप्शन देत त्यांनी म्हटलं आहे की,” केस कापणे हा सुद्धा एक टास्क आहे. नियमितता पाळणं हे सुद्धा कठीण काम असतं. मालिका करत असताना केस कधी कापायचे हा खूप मोठा प्रश्न असतो, सतत सीन्स चालू असतात त्यामध्ये जर तुम्ही केस कापले तर ते दिसायला वेगळाच दिसतं. मी ज्यावेळेला सिनेमे करायचो त्यावेळेला तर एक हेअर स्टाईल ही मला जवळजवळ वर्षभर तरी ठेवावी लागायची कारण सिनेमाचं शूटिंग पूर्ण होईपर्यंत ती केसांची स्टाईल बदलता यायची नाही. त्यामुळे फक्त केस ट्रिम करत राहणे एवढंच करता यायचं, आणि मग खूप मोठा प्रश्न पडायचा की केस कापणाऱ्याला आपण काय सांगायचं, की आपल्याला कसे केस कापून हवे आहेत.”
“त्यामुळे बरीच वर्ष मी माझे माझे केस स्वतः ट्रिम करायचो, आता स्वतःचे केस कापण्याचा इतका सराव झाला आहे की लॉक डाऊन मध्ये दर पंधरा-वीस दिवसांनी मी माझेच केस ट्रिम करत बसायचो, काही चुकलं तर भीतीच नसायची, तेव्हा केस कापायचा माझा छान सराव झाला. पण गेले तीन वर्षापासून मी ठाण्यात सागरकडे केस कापतो आहे, पण गेल्या तीन वर्षात मी त्याच्याकडे फक्त सहा वेळा गेलो आहे, मधल्या वेळेला मी माझे माझे केस स्वतः ट्रिम करतो, पूर्वी केस कापायला अगदी दोन हजार अडीच हजार रुपये पण द्यायचो.”
“घरी आपले केस कापायला बोलवण्याच्या ऐवजी मला स्वतः सलोनमध्ये जाऊन केस कापायला आजही छान वाटतं. सागरला या अनिरुद्धच्या केसांची स्टाईल इतकी चांगली पाठ झाली आहे की मला त्याला काहीच सांगावं लागत नाही, जाऊन फक्त खुर्चीत बसायचं आणि छानशी कॉफी पीत आपले केस कापून घ्यायचे. दोन-तीन महिन्यात हा एक छान अनुभव असतो.”
