Akash Nalawade Becomes Father : सध्या ‘साधी माणसं’ ही मालिका प्रेक्षकांच्या विशेष पसंतीस उतरली आहे. कमी वेळेतच ही मालिका लोकप्रिय झाली, मालिकेतील प्रत्येक पात्र प्रेक्षकांच्या मनात घर करून बसलं आहे. विशेषत सत्या आणि मिराची जोडी प्रेक्षकांची लाडकी ठरली आहे. या जोडीतील सत्याचं पात्र साकारणारा अभिनेता आकाश नलावडे सध्या एका खास कारणामुळे चर्चेत आला आहे. आकाश नलावडेच्या घरी आनंदाचं वातावरण असून, तो नुकताच बाबा झाला आहे.
अभिनेत्याच्या घरी चिमुकल्या पाहुण्याचं आगमन झालं आहे, त्याने ही आनंदाची बातमी चाहत्यांसोबत शेअर केली आहे. काही दिवसांपूर्वीच आकाशने बाबा होणार असल्याची गुडन्यूज दिली होती आणि आता लग्नानंतर दोन वर्षांनी त्याला पुत्र प्राप्ती झाली. ही आनंदाची बातमी समोर येताच सोशल मीडियावर अभिनेत्यावर शुभेच्छांचा वर्षाव झाला आहे. आकाशच्या मित्रमंडळींनी आणि सहकलाकारांनी त्याला टॅग करत प्रेमळ शुभेच्छा दिल्या आहेत. चाहत्यांनीही कमेंट्स आणि स्टोरीजद्वारे आपला आनंद व्यक्त केला आहे. (Akash Nalawade Becomes Father)
आकाश नलावडेची पत्नी रुचिका धुरी आहे, दोघांनी २०२३ साली विवाह केला होता. आता त्यांच्या संसारात एका नव्या सदस्याची भर पडली आहे. विशेष म्हणजे, आकाशला पुत्रप्राप्ती झाली असून, या गोड बातमीने त्याचे चाहते प्रचंड आनंदी झाले आहेत. आकाश नलावडे हे मराठी टेलिव्हिजन विश्वातील एक लोकप्रिय नाव आहे. ‘सहकुटुंब सहपरिवार’ या मालिकेत पश्या या भूमिकेमुळे तो घराघरात पोहोचला. सध्या तो स्टार प्रवाह वाहिनीवरील ‘साधी माणसं’ या मालिकेतून प्रेक्षकांचं मनोरंजन करत आहे. आता वैयक्तिक आयुष्यातही नवा अध्याय सुरू झाल्याने आकाश आनंदी असल्याचं पाहायला मिळत आहे. (Akash Nalawade Becomes Father)
आणखी वाचा – बॉलीवूड अभिनेत्याच्या सुरक्षा वाहनाचा भीषण अपघात; अपघातादरम्यान २ जण जखमी, नेमकं काय घडलं?
