सोनी वाहिनीवरील सीआयडी (CID) ही मालिका सगळ्यांनाच माहित आहे. या मालिकेने प्रेक्षकांना वेड लावलं होतं. १९९८ ते २०१८ पर्यंत म्हणजेच तब्बल २० वर्ष ही मालिका चालली. एसीपी प्रद्युम्न, दया, अभिजीत, फ्रेडी यांच्याबरोबरच इतर सर्वच पात्र गाजली. प्रत्येक एपिसोडमध्ये वेगवेगळ्या केस सोडवताना प्रेक्षकही टीव्हीसमोर बसून असायचे. ‘कुछ तो गडबड है दया’, ‘दया तोड दो दरवाजा’ हे डायलॉगही प्रचंड गाजले. मात्र कालांतराने या लोकप्रिय मालिकेने प्रेक्षकांचा निरोप घेतला. यामुळे अनेक चाहते नाराज झाले. तसंच अनेकदा ही मालिका नव्याने सुरु व्हावी याबद्दल इच्छाही व्यक्त केल्या गेल्या. अशातच आता सीआयडीबद्दल एक नवीन अपडेट समोर आली आहे. (CID show promo)
पुन्हा एकदा हा शो प्रेक्षकांच्या भेटीला येणार आहे. याची पहिली झलक आता प्रेक्षकांच्या समोर आली आहे. यामध्ये एसीपी प्रद्युम्न बघायला मिळत आहेत. त्यांचा एक वेगळाच अवतार बघायला मिळत आहे. तसेच इन्स्पेक्टर द्याचीदेखील जबरदस्त भूमिका बघायला मिळत आहे. नुकताच या शोच्या प्रोमोची तारीख समोर आली आहे. यामुळे चाहत्यांमध्ये एक उत्साह बघायला मिळत आहे.
आवडता कार्यक्रम समोर येणार असल्याने सोशल मीडियावर नेटकरी आनंद व्यक्त करत आहेत. एका नेटकऱ्याने लिहिले आहे की, “माझ्या बालपणीचा आवडता कार्यक्रम”, तसेच दुसऱ्या एकाने प्रतिक्रिया दिली की, “खूप उत्सुकता लागली आहे”, तसेच अजून एकाने प्रतिक्रिया देत लिहिले की, “अरे हे कसं झालं, कधी झालं, का झालं”, नंतर अजून एकाने प्रतिक्रिया देत लिहिले की, “मस्त, आम्ही या शोची खूप वाट बघत होतो. पण पुन्हा एकदा हा शो बघायला मिळेल असं वाटलं नव्हतं”.
सीआयडी सोनी टीव्हीवरील सर्वात यशस्वी मालिका आहे. मालिकेने यशस्वीपणे २० वर्षांचा प्रवास पूर्ण केला आहेत. २० वर्षांपासून सुरू असलेल्या या मालिकेचा आजही मोठा चाहता वर्ग आहेत. सीआयडी हा शो विविध विक्रमांसाठीही ओळखला जातो. ‘लिम्का बुक ऑफ रेकॉर्ड’मध्येही या शोची नोंद आहे. अशातच आता हा शो मराठीमध्ये येत असल्यामुळे अनेक चाहते उत्सुक आहेत.
