झी मराठी वाहिनीवरील ‘तुला शिकवीन चांगलाच धडा’ ही मालिका प्रेक्षकांचे चांगलेच मनोरंजन करत आहे. मालिकेला प्रेक्षकांचा चांगलाच प्रतिसाद मिळत आहे. कथानकात येणाऱ्या रंजक वळणामुळे ही मालिका प्रेक्षकांच्या चांगलीच पसंतीस पडत आहे. या मालिकेतील अक्षरा व अधिपती या जोडीलाही प्रेक्षकांची चांगलीच लोकप्रियता मिळत आहे. अशातच मालिकेत अक्षरा व अधिपती यांच्या प्रेमात विरजण टाकायला एका पात्राची एन्ट्री झालेली पाहायला मिळत आहे. भुवनेश्वरीने नवी चाल आखत अक्षरा व अधिपतीच्या संसारात मिठाचा खडा टाकण्यासाठी सरगमला आणलं आहे.
अधिपतीला गायन शिकायचं असतं. तेव्हा चारुहास व अक्षरा भुवनेश्वरीकडे जाऊन तिची परवानगी घेतात. भुवनेश्वरी अधिपतीला गायन शिकण्याची परवानगी देते. मात्र ती स्वतःच अधिपतील गाणं शिकवण्यासाठी शिक्षिका आणते. एकदम ग्लॅमरस अशा शिक्षिकेला ती अधिपतीला गाणं शिकवायला घेऊन येते. अक्षराला अगदी पाहिल्या दिवसापासून ती पटत नाही. तर भुवनेश्वरी डाव आखत त्या सरगम मॅडमला अधिपतीच्या आयुष्यात स्थान मिळवण्यास सांगतात. अशातच मालिकेचा एक नवीन प्रोमो समोर आला आहे, जो सर्वांचे लक्ष वेधून घेत आहे.
या नवीन प्रोमोमध्ये भुवनेश्वरी सरगमपुढे पैशांनी भरलेली बॅग ठेवत तिला “हे मानधन तुमच्यासाठी आहे” असं म्हणते. यावर सरगम मॅडम भुवनेश्वरीला “मला अधिपतीला माझ्या प्रेमात पाडायचं आहे ना?” असं विचारते. यावर पुन्हा भुवनेश्वरी तिला असं म्हणते की, “तुला अधिपतीला प्रेमात पाडायचं नाही, तर त्या दोघांचे लग्न मोडणे हा आमचा उद्देश आहे” असं म्हणते. यावर सरगम भुवनेश्वरीला “हे तुम्ही कशासाठी करत आहात?” असा प्रश्नही विचारते. मग यावर भुवनेश्वरी पुन्हा तिला “तुम्हाला जेवढं काम सांगितलं आहे, तेवढंच करा, प्रश्न विचारू नका” असं उत्तर देते आणि मग सरगमही हे काम करायला संमती दर्शवते.
दरम्यान, येत्या भागात सरगम मॅडम अधिपतीला त्यांच्या प्रेमात जाळ्यात ओढणार का? भुवनेश्वरीच्या इच्छेप्रमाणे अधिपती व अक्षरं यांचे लग्न मोडण्यात ती यशस्वी होणार का? तसेच भुवनेश्वरीने सांगितलेलं कार्य सरगम पार पाडू शकेल का? हे पाहण्यासाठी प्रेक्षक चांगलेच आतुर आहेत. त्यामुळे आगामी भागांसाठी प्रेक्षक कमालीचे उत्सुक आहेत.
