छोट्या पडद्यावरील ‘सातव्या मुलीची सातवी मुलगी’ या मालिकेमधून प्रेक्षकांची मनं जिंकणारी प्रसिद्ध अभिनेत्री तितिक्षा तावडे ही नुकतीच विवाहबंधनात अडकली. २६ फेब्रुवारी रोजी तितीक्षाने अभिनेता सिद्धार्थ बोडकेबरोबर लग्नगाठ बांधली. तिच्या लग्नाचे अनेक फोटो व व्हिडीओ सोशल मीडियावर व्हायरल झाले होते. तसेच तितीक्षा-सिद्धार्थ यांच्या लग्नातील खास लूकचीही बरीच चर्चा रंगली होती.
अशातच या दोघांच्या लग्नाला काल (२६ एप्रिल) रोजी दोन महीने पूर्ण झाले आणि या दोन महिन्यांच्या पूर्तीनिमित्त दोघांनी त्यांच्या लग्नातील काही खास क्शन नव्याने चाहत्यांबरोबर शेअर केले आहेत. खुशबू-सिद्धार्थ यांनी त्यांच्या इन्स्टाग्राम अकाउंटद्वारे काही खास फोटो शेअर केले आहेत. या फोटोंद्वारे त्यांच्या लग्नाची संपूर्ण झलक पाहायला मिळत आहे. तितीक्षाने शेअर केलेल्या या फोटोंनी सर्वांचेच लक्ष वेधून घेतलं आहे.
आणखी वाचा – कुर्यात सदा मंगलम्! ‘आई कुठे…’ मधील यश व आरोहीचा विवाहसोहळा संपन्न, पारंपरिक लूकने वेधलं लक्ष
तितीक्षाने शेअर केलेल्या फोटोंपैकी पहिल्या फोटोमध्ये सिद्धार्थ-तितीक्षा एन्ट्री घेतानाचे पाहायला मिळत आहे. तर दुसऱ्या फोटोमध्ये त्यांच्या चेहऱ्यावरील आनंद दिसून येत आहे, याचसह तिसऱ्या फोटोमध्ये लग्नातील पारंपरिक विधी करतानाचे पाहायला मिळत आहे. चौथा फोटो मात्र खूपच भावुक करणारा आहे, या फोटोमध्ये तितीक्षा व आई एकमेकांना मिठी मारत भावुक झाले असल्याचे पाहायला मिळत आहे. तर इतर फोटोमध्ये सिद्धार्थ-तितीक्षा यांच्या लग्नातील विधींचा व धमाल मज्जा-मस्ती करतानाचे काही खास क्षण पाहायला मिळत आहे.
तितीक्षाने लग्नात ऑफव्हाईट रंगाची गोल्डन काठाचा पदर आणि त्यावर गोल्डन बुट्ट्या असणारी साडी नेसली होती. या लूकमध्ये तितीक्षा खूपच सुंदर व लोभसवाणी दिसत होती. तर सिद्धार्थनेदेखील तितीक्षाच्या लूकला साजेशी अशी ऑफव्हाईट रंगाची शेरवानी परिधान केली होती. त्यांचे हे फोटो सध्या सर्वांचे लक्ष वेधून घेत आहेत. दरम्यान, या फोटोवर मराठी मनोरंजन विश्वातील कलाकारांसह तितीक्षा-सिद्धार्थ यांच्या अनेक चाहत्यांनी लाईक्स व कमेंट्स करत प्रतिसाद दिला आहे.
