सिनेसृष्टीत बऱ्याच दिवसांपासून कलाकारांच्या लग्नाची जोरदार चर्चा रंगलेली पाहायला मिळाली. एकामागोमाग एक कलाकार मंडळी लग्नबंधनात अडकत गेले. या कलाकार जोड्यांच्या यादीत एका कलाकार जोडीच्या लग्नाच्या बातमीने साऱ्यांना आश्चर्याचा धक्का बसला. ही कलाकार जोडी म्हणजे अभिनेत्री सुरुची अडारकर व
अभिनेता पियुष रानडे. सुरुची व पियुष दोघांनी थेट त्यांच्या लग्नाचे फोटो शेअर करत चाहत्यांना आनंदाचा धक्का दिला. यापूर्वी दोघांनी कधीही त्यांच्या प्रेमाची कबुली दिली नाही. तर थेट लग्नाचे फोटो शेअर करत त्यांनी ही आनंदाची बातमी शेअर केले. (Suruchi Adarkar shared birthday post for husband)
लग्नानंतर पियुष व सुरुची बरेच चर्चेत असलेले पाहायला मिळाले. दोघांच्या लग्नाची बरीच चर्चा रंगली. लग्नानंतर दोघांचा सुखी संसार सुरु असल्याचं पाहायला मिळत आहे. सोशल मीडियावर दोघेही बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. अशातच पियुषच्या वाढदिवसानिमित्त सुरुचीने केलेली पोस्ट साऱ्यांचं लक्ष वेधून घेत आहे. पियुषच्या वाढदिवसानिमित्त दोघेही फिरायला गेले आहेत. फिरायला गेल्यानंतर एकत्र वेळ घालवतानाचे काही फोटो तिने शेअर करत नवऱ्यासाठी रोमँटिक पोस्ट लिहिली आहे.
अभिनेत्रीने पोस्टमध्ये कॅप्शन देत लिहिलं आहे की, “माझ्या प्रिय डिंपल असणाऱ्या मुला, तुझ्यासारख्या अद्भुत माणसाशी लग्न केल्याचा मला आनंद आहे. एक चांगला मित्र, प्रवासातील सोबती, थेरपिस्ट, उत्सुक सूचीकार, माझे आनंदी ठिकाण, माझे घर एकाच व्यक्तीमध्ये असणे हे भाग्यवान आहे. तुझ्याबरोबर आयुष्य अधिक मजेदार आहे. मी एक अभिमानास्पद पत्नी आहे की, मी अशा माणसाशी लग्न केले जो खूप दयाळू आणि काळजी घेणारा आहे. आणि तो त्याची स्वप्ने सत्यात आणण्यासाठी नेहमीच धडपडतो. तुझ्या कामाची आवड मला दररोज तुझ्या प्रेमात पाडते”.
पुढे तिने असंही म्हटलं आहे की, “मला आनंद झाला आहे की, आपली कमकुवत व संवेदनशील बाजू तुला कळली जी कोणालाच माहित नाही. मी नेहमी आनंदी आहे की, तू तुझ्यातील लहानगा जीव जिवंत ठेवला आहेस. तुला आनंदी ठेवण्यासाठी मी काहीही करु शकतो. कारण तुझ्याआयुष्यातील सर्व चांगल्या गोष्टी, सर्व आनंद आणि प्रेम देण्याचे मी वचन देते. आपले पुढील आयुष्य आनंद व प्रेमाने भरलेले आहे. माझ्या जीवनात तू असल्याबद्दल मी दररोज कृतज्ञ आहे. माझ्या जीवनात रंग भरल्याबद्दल धन्यवाद. मी कधीही विश्वास ठेवू शकणारी अशी तू व्यक्ती आहेस. वाढदिवसाच्या हार्दिक शुभेच्छा माझ्या पी. तुला नेहमी फक्त आणि फक्त प्रेमाने वेढलेले असू दे. एका शिस्तबद्ध मुलाला बिघडवायचं काम मी करेन”.
