गेले काही दिवस बॉलिवूड मधील एक जोडी चांगलीच चर्चेत आहे आणि ही जोडी म्हणजे राखी सावंत व तिचा पूर्वाश्रमीचा पती आदिल खान. आदिल खानने नुकतेच ३ मार्च रोजी ‘बिग बॉस’ फेम सोमी खानबरोबर गुपचूप लग्न केले, त्यानंतर या जोडप्याने त्यांच्या सोशल मीडिया हँडलवर त्यांच्या लग्नाके काही फोटो शेअर करत साऱ्यांनाच धक्का दिला. त्याच्या या लग्नाने राखीलाही धक्का बसला. आदिल खानच्या दुसऱ्या लग्नाचे वृत्त कळले तेव्हा ती राखी दुबईत होती. आदिलच्या सोमीबरोचरच्या लग्नाच्या वृत्तांवर तिचं विश्वास बसत नव्हता.
यावेळी एका मुलाखतीत राखीने आदिलचे माझ्याशी लग्न होण्याआधीही ५-६ लग्न झाले होते. तसेच त्यांच्याकडून आदिलने घटस्फोट घेतला नसल्याचेही तिने यावेळी सांगितले. आदिलने माझ्याबरोबर जसा अत्याचार केला तसंच तो सोमीबरोबरही करणार आहे. त्यामुळे तिला कोणीतरी वाचवा असंही म्हटलं होतं. राखीच्या याच वक्तव्यावर आता आदिलने त्याची प्रतिक्रिया व्यक्त केली आहे.
राखीच्या “सोमीला वाचवा” या व्यक्तव्यावर उत्तर देत आदिल असं म्हणाला आहे की, “राखीने असे बोलले नाही तर खूप चांगले होईल. जगाने तिच्यापासून सावध राहण्याची गरज आहे. राखीपासून हे जग वाचले तर बरं होईल आणि राखीला सोमीची चिंता करायची काहीही गरज नाही. मी सोमीला सुरक्षित ठेवीन आणि सोमी माझ्याबरोबर अगदी सुरक्षित आहे”.
आणखी वाचा – मोठी बातमी! अमिताभ बच्चन मुंबईतील रुग्णालयामध्ये भरती, बिग बींची अँजिओप्लास्टीही झाली, आता प्रकृती कशी?
राखी सध्या दुबईत असून “ती इथे नाही म्हणून भारतात व मुंबईत खूप शांतता आहे” असं म्हटलं आहे. तसेच “राखी कायम तिथेच राहावी अशी माझी इच्छा आहे. म्हणजे इथे शांतता राहील आणि इथले लोक आनंदाने आयुष्य जगतील” असंही म्हटलं आहे. तसेच यावेळी त्याने राखीला कोरोना विषाणूही म्हटलं.
दरम्यान, आदिल खानने काही दिवसांपूर्वीच सोमी खानबरोबरच्या लग्नाचा खुलासा केला होता. सोमी खान तिची बहीण सबा खानबरोबर ‘बिग बॉस १२’ची स्पर्धक होती. सोमीच्या आधी आदिलने राखी सावंतबरोबर लग्न केले होते. मात्र, गेल्या वर्षी हे दोघे विभक्त झाले.
