अनंत अंबानी-राधिका मर्चंट यांच्या प्री वेडींग सोहळ्या नंतर रिलायन्स फाउंडेशनच्या अध्यक्षा नीता अंबानी या पुन्हा एकदा चर्चेत आल्या आहेत. ७१ व्या ‘मिस वर्ल्ड’ स्पर्धेच्या फायनल प्रसंगी नीता अंबानी यांच्या लूकने सर्वांचं लक्ष वेधलं आहे. या लूकमधील मुघल बादशहाची ‘कलगी’ म्हणून जगप्रसिद्ध असलेला दागिना हा त्यांच्या लूकची शोभा वाढवत होता. नीता अंबानी यांच्या या लूकची व दागिनेही सोशल मीडियावर चांगलीच चर्चा पाहायला मिळते. (Nita Ambani Wore Historical Jewellery)
जिओ वर्ल्ड कन्व्हेन्शन सेंटर येथे ‘मिस वर्ल्ड’ स्पर्धेचा महाअंतिम सोहळा आयोजित करण्यात आला होता. या सोहळ्यात नीता अंबानी यांचा ‘ब्युटी विथ अ पर्पज ह्युमॅनिटेरियन अवॉर्ड’ या पुरस्कार देऊन सन्मानित करण्यात आले. या पुरस्कारासह नीता यांच्या लूकमधील एक खास दागिना पाहून सगळ्यांच्या भुवया उंचावल्या आहेत. नीता यांनी परिधान केलेल्या दागिन्यांमध्ये मुघल बादशहाची ऐतिहासिक ‘कलगी’ या दागिन्यांचा देखील समावेश होता. याबद्दल एका सोशल मीडिया अकाउंट वरुन माहिती देण्यात आली आहेत.
Founder and Chairperson of Reliance Foundation Nita Ambani received the 'Beauty With a Purpose Humanitarian Award’ on the occasion of the 71st Miss World Finals, held at the Jio World Convention Centre in Mumbai on 9th March. pic.twitter.com/qSJA4LsuEB
— ANI (@ANI) March 10, 2024
या रिपोर्ट नुसार ही ‘कलगी’ शाहजहान, जहांगीरचा मुलगा आणि 1592-1666 पर्यंत राज्य करणारा पाचवा मुघल सम्राट मिर्झा शहाब-उद-दीन मुहम्मद खुर्रम यांनी परिधान केली होती. या बाजुबंदाची किंमत सुमारे २०० कोटीहून अधिक असल्याचं सांगितलं जातंय. या ऐतिहासिक दागिन्यांवर अनेक मौल्यवान हिरे, मोती यांची डिजाईन असल्याचं दिसतंय तसेच या बाजुबंदाची उंची ही १३.७ सेमी आणि रूंदी १९.८ असल्याचं या रिपोर्टमध्ये सांगण्यात आलंय. (Nita Ambani Wore Historical Jewellery)
नीता आंबानी या नेहमी त्यांच्या फॅशनेबल लूकसाठी चर्चेत असलेल्या पाहायला मिळतात. या सोहळ्यातील नीता अंबानींच्या चमकदार सोन्याच्या जरीपासून हाताने बनवलेल्या जंगला डिझानची बनारसी साडी आणि त्यावर असलेल्या मीनाकारी वर्कपासून ते या ऐतिहासिक दागिण्यापर्यंत सर्वांची चर्चा सगळीकडे रंगली. नुकताच अंबानी कुटुंबातील अनंत अंबानी- राधिका मर्चंट यांच्या प्री वेडिंग सोहळ्यातील यांच्या लूकने देखील सर्वांचं लक्ष वेधलं होतं. या सोहळ्याला बॉलीवूडसह, हॉलिवूडमधील प्रसिद्ध कलाकारांनी देखील हजेरी लावली होती.
