बॉलिवूड अभिनेत्री राखी सावंतचा माजी पती आदिल खान सध्या त्याच्या दुसऱ्या लग्नामुळे चर्चेत आला आहे. त्याने ‘बिग बॉस १२’ फेम सोमी खानबरोबर लग्न केले आहे. त्यांच्या लग्नाचे फोटो अचानक सोशल मीडियावर समोर आल्याने साऱ्यांना आश्चर्याचा धक्का बसला. आदिलने सोमीच्या आधी राखीशी लग्न केले होते. त्यांच्या नात्याची बऱ्याच दिवसांपासून चर्चा होती. गेल्यावर्षी त्यांच्यातील भांडणामुळे अनेक चर्चा रंगलेल्या पाहायला मिळाल्या. अभिनेत्रीने तिच्या माजी पतीवर घरगुती हिंसाचाराचा आरोप केला यामुळे काही दिवस त्याला जेलमध्येही जावे लागले होते. यानंतर त्याने सोमी खानसह गुपचूप लग्न केले. आदिलच्या दुसऱ्या लग्नावर राखीने प्रतिक्रिया दिली असून याला पब्लिसिटी स्टंट असं म्हटलं आहे.
(Rakhi Sawant On Adil Khan Durrani Wedding)
राखी सावंतने सोशल मीडियावर पोस्ट लिहीत आदिल खानच्या दुसऱ्या लग्नावर प्रतिक्रिया दिली आहे. ती म्हणाली की, “त्याला इतरांना आनंदी ठेवण्याची खूप आवड आहे, परंतु तो तेव्हाच शुद्धीवर आला जेव्हा तो एकटा पडला”. राखीने कोणाचेही नाव न घेता ही पोस्ट लिहिली नाही. यानंतर लोकांनी तर्क वितर्क काढत ही पोस्ट आदिलनेच लिहिली असल्याचं म्हटलं आहे.
इतकंच नाही तर राखी सावंतने ETimes शी बोलताना आदिलच्या लग्नाबाबत भाष्य केलं आहे. राखी सावंत म्हणाली की, “आदिलने लग्न केले आहे. त्याने कोर्ट मॅरेजही केले आहे”. याबरोबर अभिनेत्रीने असंही सांगितले की, “मी यावर भाष्य करणार नाही. याला पब्लिसिटी स्टंट म्हणत ती म्हणाली की, “पूनम पांडे प्रमाणेच त्याचा व्हिडीओ प्रदर्शित करण्यासाठी पब्लिसिटी स्टंट करत असून त्याचे सत्य लवकरच समोर येईल”.
आदिल खानने ३ मार्च रोजी सोमी खानशी म्हैसूर येथे लग्न केले होते. त्यांच्या लग्नाचे फोटो शेअर करण्याबरोबरच आदिलने लिहिले की, “अल्लाहच्या कृपेने आमचा लग्नसोहळा साध्या व सुंदर पद्धतीने पार पडला. हे सांगताना मला आनंद होत आहे”. याबरोबरच आदिलने चाहत्यांचे आशीर्वादही मागितले.
