Grammy Awards 2024 : ६६ वा ग्रॅमी अवॉर्ड सोहळा ५ फेब्रुवारी रोजी पार पडला. ग्रॅमी अवॉर्ड हा संगीत जगतातील सर्वात मोठा अवॉर्ड मानला जातो. नुकताच या अवॉर्डचा पुरस्कार प्रदान सोहळा संपन्न झाला. दरम्यान या पुरस्कार सोहळ्यात भारतीयांनी मानाचा तुरा रोवलेला पाहायला मिळाला. अमेरिकेतील लॉस एंजेलिसमध्ये हा सोहळा पार पडला. भारतातील दिग्गज संगीतकार व गायक शंकर महादेवन यांना मानाचा ग्रॅमी पुरस्कार प्रदान करण्यात आला आहे. तर तबलावादक झाकीर हुसेन व बासरीवादक राकेश चौरसिया यांना देखील या पुरस्काराने सन्मानित करण्यात आले.
संगीतकार व ग्रॅमी अवॉर्ड विजेते रिकी केज यांनी ट्विटर अकाऊंटवरुन पोस्ट शेअर करत याबाबतची माहिती दिली. त्याने ही पोस्ट शेअर करत असे लिहिले की, “उस्ताद झाकीर हुसेन यांनी एका रात्रीत तीन ग्रॅमी जिंकून इतिहास रचला आहे. तर राकेश चौरसियांनी दोन ग्रॅमी पुरस्कार जिंकले आहेत. हे भारतासाठी ग्रॅमी अवॉर्डमधील सर्वोत्तम वर्ष आहे. या क्षणाचं मला साक्षीदार होता आलं, याचा आनंद आहे,” असं म्हणत त्याने हा आनंद सोशल मीडियावरुन शेअर केला आहे.
SHAKTI wins a #GRAMMYs #GRAMMYs2024 !!! Through this album 4 brilliant Indian musicians win Grammys!! Just amazing. India is shining in every direction. Shankar Mahadevan, Selvaganesh Vinayakram, Ganesh Rajagopalan, Ustad Zakhir Hussain. Ustad Zakhir Hussain won a second Grammy… pic.twitter.com/dJDUT6vRso
— Ricky Kej (@rickykej) February 4, 2024
याचबरोबर आणखी एक पोस्ट शेअर करत त्याने लिहिले आहे की, “शक्तीने ग्रॅमी अवॉर्ड जिंकला. या अल्बमसाठी चार भारतीय संगीतकारांनी ग्रॅमी पुरस्कार जिंकले. खूप छान. भारत प्रत्येक दिशेने चमकत आहे. शंकर महादेवन, सेल्वागणेश विनायकराम, गणेश राजगोपालन, उस्ताद झाकीर हुसेन. उस्ताद झाकीर हुसैन यांनी तीन व सर्वोत्कृष्ट बासरीवादक राकेश चौरसिया यांनी दोन ग्रॅमी अवॉर्ड्स जिंकले,” असं म्हणत सर्वांचं भरभरुन कौतुक केलं आहे.
…. and Ustad Zakhir Hussain, the living legend creates history by winning 3 Grammys in one night!!! Rakesh Chaurasia wins 2!! This is a great year for India at the Grammys.. and I am blessed to witness it. @RecordingAcad #indiawinsatgrammys
— Ricky Kej (@rickykej) February 5, 2024
ग्रॅमी अवॉर्ड्स २०२४ मध्ये भारतीय संगीतकारांनी छाप पाडलेली पाहायला मिळाली. या अवॉर्ड शोनंतर सर्वच स्तरातून विजेत्यांवर अभिनंदनाचा वर्षाव होताना पाहायला मिळत आहे.
