मराठमोळी अभिनेत्री क्रांती रेडकर तिच्या अभिनयातून गेली अनेक वर्ष प्रेक्षकांचं मनोरंजन करत आलेली आहे. ‘जत्रा’, ‘तीन बायका फजिती ऐका’, ‘खो-खो’ यांसारख्या अनेक चित्रपटांमध्ये तिने उत्तम भूमिका साकारत प्रेक्षकांना आपलंसं केलं आहे. शिवाय ती उत्तम नृत्यांगणा असून तिच्या नृत्याविष्काराची झलक प्रेक्षकांना अनेकदा पाहायला मिळाली आहे. त्याचबरोबर ती दिग्दर्शिका, उद्योजिका व सोशल मीडिया इन्फ्लुएन्सर देखील आहे. सध्या ती अभिनय करत नसली, तरी ती या क्षेत्रात प्रचंड सक्रिय आहे. (Kranti Redkar share a Video)
सोशल मीडियावर प्रचंड सक्रिय असलेली क्रांती नेहमीच तिच्या कुटुंबियांबरोबरचे अनेक फोटोज व व्हिडीओज चाहत्यांसह शेअर करते. अशातच अभिनेत्रीचा एक व्हिडीओ सध्या सोशल मीडियावर व्हायरल होत आहे, ज्याची सोशल मीडियावर बरीच चर्चा रंगते. क्रांती नुकतीच सहकुटुंब दिवाळीनिमित्त तिच्या वाशिम येथील सासरी पोहोचली असून ती तिच्या नातेवाईकांसह मोठ्या उत्साहात दिवाळी साजरी करताना दिसली. या क्षणाचा एक व्हिडीओ तिने इन्स्टाग्रामवर देखील शेअर केला होता. असाच एक व्हिडीओ नुकतंच शेअर केला आहे.
या व्हिडीओला कॅप्शन देताना ती म्हणाली, “यावर्षीची दिवाळी आमच्यासाठी विशेष होती. कारण यंदा आमच्या नातेवाइकांसह आम्हाला दिवाळी साजरी करण्याची संधी मिळाली. मला त्यांची खूप आठवण येईल. त्यांनी आम्हाला खूप प्रेम दिलं. आमचे लाड केले, काळजी घेतली हे सर्व सांगण्याच्या पलीकडे आहे. त्याचबरोबर, वाशिमच्या जनतेने आमच्याप्रती जो प्रेम आणि जिव्हाळा दाखवला, त्याच्यासाठी सुद्धा तुमचे आभार”. या व्हिडिओमध्ये ती तिच्या कुटुंबाची ओळख करताना दिसली. तसेच, यावेळी तिने पती समीर वानखेडे यांच्यासह अस्सल गावरान जेवणाचा आस्वाद घेतला.
हे देखील वाचा – “भिमाची पुण्याई…”, स्वतःचं पेट्रोल पंप सुरु केल्यानंतर आदर्श शिंदेची पोस्ट, म्हणाला, “आमच्या गावी…”
“मी इथे वाशिमला माझ्या सासरी आलेली आहे. मिस्टर वानखेडे जेवण करत आहेत. ही माझ्या सासरची मंडळी आहे. मोठी आत्या, छोटी आत्या, माझी काकी सगळे हाय करत आहेत. माझं इंटरमिटंट फास्टिंग चालू होतं, पण आता इंटर मटणट फास्टिंग झालेलं आहे. रोज माझ्या सासरी मटण भाकरीचा बेत सुरु आहे. आणि इतकं अप्रतिम आणि चविष्ट जेवण रोज मी जेवते. माझ्या सासरी माझे खूप लाड झाले, पण आता मुंबईत जाऊन परत कामात रुजू व्हायचं. त्यामुळे मी या सर्वांना खूप मिस करणार आहे.”, असं क्रांती या व्हिडिओमध्ये म्हणाली.
हे देखील वाचा – प्रसिद्ध दाक्षिणात्य अभिनेता विनोद थॉमस यांचं निधन, बंद कारमध्ये सापडला अभिनेत्याचा मृतदेह, नेमकं काय घडलं?
क्रांतीचा हा व्हिडीओ व्हायरल होताच नेटकरी यावर विविध प्रतिक्रिया देत आहे. तर काही चाहत्यांनी अभिनेत्रीचं कौतुक केलं आहे. एकूणच, क्रांतीच्या या व्हिडिओची सोशल मीडियावर जोरदार चर्चा होत आहे. दरम्यान, क्रांतीने काही महिन्यांपूर्वी आलेल्या ‘ढोलकीच्या तालावर’ कार्यक्रमात परीक्षकांची भूमिका निभावली होती. यानंतर ती कोणत्या प्रोजेक्टमध्ये दिसणार आहे, याची सर्वांनाच उत्सुकता लागली आहे.
