मराठी सिनेसृष्टीतील अभिनेत्री क्रांती रेडकर ही विविध कारणांनी सतत चर्चेत असते. जरी ती अभिनय करताना दिसत नसली, तरी मनोरंजन क्षेत्रातील तिचा वावर कायम पाहायला मिळतो. क्रांती केवळ अभिनेत्रीच नव्हे, तर निर्माती, दिग्दर्शिका, नृत्यांगना, उद्योजिका, सोशल मीडिया कंटेन्ट क्रिएटर अश्या अनेक भूमिका ती यशस्वीरीत्या पार पाडताना दिसते. शिवाय, नुकतंच पार पडलेल्या ‘ढोलकीच्या तालावर’ कार्यक्रमात ती परिक्षिकेच्या भूमिकेत दिसली. त्याचबरोबर ती दोन जुळ्या मुलींची आई असून तिच्या लेकींचे अनेक गोड क्षण चाहत्यांसह नेहमी शेअर करत असते. मात्र, त्या सर्व पोस्ट्समध्ये तिने कधीच त्यांचा चेहरा दाखवला नाही. मात्र, आता क्रांतीने एक रील पोस्ट करत पहिल्यांदाच तिच्या लेकींचा चेहरा चाहत्यांसमोर आणला. (Kranti Redkar reveals her daughter’s face)
क्रांती सोशल मीडियावर प्रचंड सक्रिय आहे. ती तिच्या कामाबरोबर खासगी आयुष्यातील अनेक रील्स सोशल मीडियावर शेअर करते. क्रांतीने सरकारी अधिकारी समीर वानखेडे यांच्याशी लगीनगाठ बांधली. दोघांना झिया व झायदा या दोन जुळ्या मुली असल्या, तरी ते त्यांना लाडाने गोदू आणि छबील अशी हाक मारतात. त्यामुळेच तिचे चाहतेदेखील तिच्या मुलींना याच नावाने ओळखतात. अभिनेत्री तिच्या मुलींबरोबर खेळतानाचे अनेक व्हिडिओ शेअर करत असते. असाच एक व्हिडिओ क्रांतीने नुकतंच तिच्या इन्स्टाग्राम अकाउंटवर शेअर केला आहे. ज्यामध्ये तिने तिच्या मुलींची एक छोटीशी झलक दाखवली आहे.
हे देखील वाचा – Raavsaaheb Teaser : “देशाची सिस्टीम बिघडली की…”, ‘रावसाहेब’ चित्रपटाचा टीझर प्रदर्शित, मराठीतील टॉप अभिनेत्रींची अंगावर काटा आणणारी झलक
क्रांतीने तिच्या इंस्टाग्राम अकाउंटवर हा व्हिडिओ शेअर केला. ज्यामध्ये तिच्या मुलींचा चेहरा प्रथमच समोर आणला. घराच्या खिडकीजवळ काढण्यात आलेल्या या व्हिडिओत त्या एकमेकींबरोबर खेळताना, एकमेकींना मिठी मारताना आणि गोड पापा देताना दिसल्या. हा व्हिडिओ शेअर करताना “संध्याकाळचे दृश्य” असे सुंदर कॅप्शन दिले आहे.
हे देखील वाचा – उर्फी जावेदने गुपचूप उरकला साखरपुडा? ‘ते’ फोटो सोशल मीडियावर व्हायरल, ती व्यक्ती नेमकी कोण?
क्रांतीने हा व्हिडिओ शेअर करताच चाहत्यांसह मनोरंजनविश्वातील अनेक कलाकारांनी कमेंट करत आपलं प्रेम दर्शवलं आहे. या व्हिडिओवर अभिनेत्री अमृता खानविलकरने कमेंट करत म्हणाली, “किती सुंदर तो पापा”. तर मेघना एरंडे म्हणाली, “खूपच गोड आहेत या मुली”. त्याचबरोबर चाहत्यांनीही क्रांतीच्या मुलींवर कमेंटद्वारे भरभरून प्रेम दिलं.
