मराठी मनोरंजनसृष्टीतील असे अनेक कलाकार आहे, जे पूर्णतः खाद्यप्रेमी आहे. इतकंच नव्हे तर, त्यातील काही कलाकारांचे स्वतःचं हॉटेलदेखील सुद्धा असून काही कलाकारांना हे विविध शहरांच्या, राज्यांच्या व देशाच्या खाद्यपदार्थांची चव चाखायला आवडते. लोकप्रिय अभिनेत्री स्पृहा जोशीला खाद्यपदार्थांची प्रचंड आवड असून विशेष करून, तिला मांसाहारी पदार्थांवर ताव मारते. (Spruha Joshi)
पण स्पृहा तिचे हे मांसाहारप्रेम तिच्या वडिलांपासून लपवायची. त्यामुळे तिचे वडील घरी येईपर्यंत ती मांसाहारी पदार्थांवर ताव मारायची. हा किस्सा खुद्द स्पृहाने सांगितला असून तिने घरात गुपचूप केलेल्या खाद्यपदार्थांबाबत भाष्य केले आहे. स्पृहाने एका युट्युब चॅनेलला मुलाखत दिली, ज्यात तिने मांसाहारी पदार्थांवर ताव मारताना तिच्या घरातील एक गमतीदार किस्सा सांगितला.
हे देखील वाचा – मधुराणी प्रभुलकरची लेकही नाटक बसवणार, अभिनेत्रीनेच सांगितला प्लॅन, म्हणाली, “माझ्यापेक्षा माझी मुलगी…”
प्रत्येक मांसाहार प्रेमींना कधीही खाण्याची इच्छा होते, मग तुम्हाला जेव्हा असं काही खायची इच्छा असायची, तेव्हा तुम्ही काय करायचा? असा प्रश्न जेव्हा अभिनेत्रीला विचारण्यात आला. तेव्हा ती यावर म्हणाली, “बाबांना न सांगता आम्ही अशा गोष्टी केल्या आहेत. मुळात बाबांचा तसा काही आक्षेप नव्हता. पण अनेकदा शाकाहारी खाणारे जे लोक असतात, त्यांना मासे किंवा त्याचा वास आवडत नाही. जर तुम्हाला त्याची सवय नसेल, तर तो वास अवघड जातो.”
हे देखील वाचा – Video : ‘सारेगमप’च्या सेटवर मृण्मयी-गौतमीमध्ये वाद, भांडणाचा व्हिडीओ सोशल मीडियावर व्हायरल
“मी, आई आणि माझी बहिण आम्ही कट्टर मांसाहार करणाऱ्या आहोत. त्यामुळे आईकडे एक ठरलेली कोळीण यायची. जी एका डब्ब्यात सुके बोंबील घेऊन यायची. नंतर मग दुपारी कधीतरी मूड आला तर मग आम्ही ते सुके बोंबील गॅसवर भाजून त्यावर लिंबू, तिखट, मीठ वैगरे लावून खायचो. हे सर्व आम्ही अनेकदा दुपारच्या वेळी करायचो. कारण ते येईपर्यंत घरातला तो वास ज्यांना आवडत नाही तो निघून जाईल. असं आमचं हे बरेच वर्ष सुरु राहायचं”, असं स्पृहाने सांगितलं.
