harman sidhu punjabi singer dies : पंजाबी संगीत विश्वातून एक हृदयद्रावक बातमी समोर आली आहे. लोकप्रिय गायक हरमन सिद्धूचा रस्ता अपघातात मृत्यू झाला असल्याचं समोर आलं आहे. हरमन फक्त ३७ वर्षांचे होते. तसेच पंजाबी संगीतविश्वात गेल्या महिन्यात ऑक्टोबरमध्ये गायक राजवीर जवंदा यांचाही रस्ता अपघातात मृत्यू झाला होता. पंजाबी चित्रपट आणि संगीत क्षेत्रातील दोन होतकरु तरुण कलाकारांना रस्ता अपघातात जीव गमवावा लागण्याची दीड महिन्यात ही दुसरी वेळ आहे. हरमन सिद्धू त्याच्या अनेक हिट पंजाबी गाण्यांसाठी ओळखला जात होता. त्याचे ‘पेपर या प्यार’ हे गाणे खूप व्हायरल झाले.
सुप्रसिद्ध गायिका मिस पूजासोबत त्यांनी अनेक अल्बम गाणीही रेकॉर्ड केली. यामध्ये ‘लव्ह मॅरेज’, ‘ठकवां जत्तन दा’, ‘पै गया प्यार’ आणि ‘खुलियां खिडकियां’ यांचा समावेश आहे. हरमन सिद्धू यांच्या निधनाने इंडस्ट्रीला आणि त्यांच्या लाखो चाहत्यांना मोठा धक्का बसला आहे. सोशल मीडियावर सर्वजण त्यांना श्रद्धांजली वाहतात. मीडिया रिपोर्ट्सनुसार, हरमन सिद्धूचा शुक्रवार २१ नोव्हेंबर २०२५ च्या रात्री एक भयानक रस्ता अपघात झाला. त्याची कार एका ट्रकला धडकली, ज्यामुळे गायक जागीच मरण पावला.
आणखी वाचा – “आमच्या एका मावशींच्या हातून…”, मराठी अभिनेत्रीने सांगितला स्वामींचा अनुभव, म्हणाली, “रडत रडत…”
हरमन सिद्धू रात्री १२ वाजण्याच्या सुमारास खयला कालिन गावातून परतत होते, असे सांगण्यात येत आहे. तो तिथे शूटिंगसाठी गेला होता. दरम्यान त्यांची भरधाव वेगात असलेली कार सरळ जाऊन एका ट्रकला धडकली. अपघातानंतर पोलीस तात्काळ दाखल झाले आणि त्यांनी गायकाचा मृतदेह कुटुंबीयांच्या ताब्यात दिला. हरमन सिद्धूच्या मृत्यूची ही बातमी अशा वेळी आली आहे जेव्हा अलीकडेच तो मोठा पुनरागमन करणार असल्याची चर्चा होती. त्यांची २ नवीन गाणी रिलीज होणार होती. त्यांच्या म्युझिक व्हिडीओचे शूटिंगही पूर्ण झाले.
