‘झी मराठी’ वाहिनीवरील ‘नवरी मिळे हिटलरला’ या मालिकेने अल्पावधीतच प्रेक्षकांची मन जिंकली. मालिकेत आलेल्या रंजक वळणामुळे ही मालिका अधिक पाहिली जात आहे. एजेंच्या व लीलाच्या मनाविरोधात त्यांचं लग्न झालेलं पाहायला मिळत आहे. मालिकेचे कथानक थोडे हटके असून दिवसेंदिवस या मालिकेची लोकप्रियता वाढत असताना पाहायला मिळतेय. या मालिकेत राकेश बापट हा एजे म्हणजे अभिराम जहागीरदार व वल्लरी लोंढे ही लीलाची भूमिका साकारताना दिसत आहे. दोघांची मालिकेत मनाविरुद्ध सुरु झालेली प्रेमकहाणी कोणतं वळण घेणार याकडे साऱ्यांच्या नजरा लागून राहिल्या आहेत. (Navri Mile Hitlerla Bts Video)
मालिकांना लोकप्रियता मिळते पण यामागील कलाकारांची मेहनतदेखील खूप असते. इतकंच नव्हे तर कलाकारांबरोबरच पडद्यामागे काम करणाऱ्या साऱ्यांचेही यासाठी तितकेच श्रेय असते. सेटवर काम करत असताना कलकारांनाही अनेक समस्यांचा सामना करावा लागतो. पण त्यांच्यातील अभिनयाची आवड व जिद्द यामुळे कलाकार कोणत्याही परिस्थितीमध्ये आपले काम चोखपणे करताना दिसतात.
अशातच अभिनेत्री वल्लरी लोंढे हिने तिच्या इन्स्टाग्राम अकाउंटवरुन शेअर केलेल्या एका स्टोरीने साऱ्यांचं लक्ष वेधलं आहे. वल्लरी सोशल मीडियावर बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. अशातच वल्लरीने शेअर केलेल्या एका स्टोरीने लक्ष वेधलं आहे. यामध्ये मालिकेतील चित्रीकरण पाहायला मिळत आहे. रस्त्यावर लीला अचानक गाडीसमोर येते आणि खाली पडते हा सीन दाखविण्यात आलं आहे.
आणखी वाचा – अभिषेक बच्चनने बोरिवलीत खरेदी केले एक नव्हे तर तब्बल सहा घरं, किंमत ऐकून व्हाल थक्क
त्यानंतर लीला हसताना दिसत आहे आणि किशोर तिला हात देत उठायला मदत करत आहे. लीलाच हे मालिकेतील बीटीएस पाहून कलाकारांची सीनसाठीची मेहनत पाहायला मिळत आहे. ‘नवरी मिळे हिटलरला’ मालिकेतील कलाकार नेहमीच अनेक ट्रेंडिंग रीलवर व्हिडीओ करत असतात. त्यांचे हे रील व्हिडीओ प्रेक्षकांच्या पसंतीसही पडतात.