Zee Marathi Serial Update : सध्या अनेक नव्या मराठी मालिका प्रेक्षकांच्या भेटीस येत आहेत. यादरम्यान ‘झी मराठी’ वाहिनीवर देखील ‘दीपज्योती’ ही नवीन मालिका प्रसारित होणार आहे. येत्या १३ एप्रिलपासून ही मालिका ऑन एअर होणार आहे. तर यामध्ये या अभिनेत्री पूर्वा कौशिक आणि अभिनेता प्रसाद जवादे यांच्या प्रमुख भूमिका पाहायला मिळणार आहेत. ‘दीपज्योती’ ही मालिका रात्री आठ वाजताच्या प्राइम स्लॉटला प्रसारित केली जाणार आहे. तर सध्या या टाइम स्लॉटमध्ये आठ वाजता ‘लक्ष्मीनिवास’ मालिका ऑन एअर होते. गेल्या ‘लक्ष्मी निवास’ मालिकेला चाहत्यांचं भरभरून प्रेम मिळालं. आता ही नवीन मालिका येणार असल्यामुळे ‘लक्ष्मी निवास’ या मालिकेचं काय होणार? असा प्रश्न चाहत्यांना पडला होता.
आणखी वाचा: मराठमोळ्या अभिनेत्रीचा थाटात विवाहसोहळा संपन्न; लुकने वेधलं लक्ष, फोटो समोर
दरम्यान अनेक चाहत्यांनी मालिका संपवू नका अशा कंमेंट केल्या होत्या. तर ‘झी मराठी’न वाहिनीने स्वतः पोस्ट शेअर करत याबद्दल अपडेट शेअर केली आहे. तर ‘लक्ष्मी निवास’ ही मालिका संपणार नसून नव्या वेळेत प्रेक्षकांच्या वेळेत येणार आहे. तर यासोबतच आणखी एक मालिकेच्या वेळेत बदल होणार आहे. सावळ्याची जणू सावली ही मालिकेचे देखील नव्या वेळेत प्रसारित होणार आहे. ‘लक्ष्मी निवास’ आणि ‘सावळ्याची जणू सावली’ या दोन्ही मालिका आता एका नव्या वेळेत प्रसारित केल्या जातील. दोन्ही मालिकांची नवीन वेळ लवकरच जाहीर करण्यात येईल. (Zee Marathi Serial Update)
प्रेक्षकांनी या पोस्टच्या कमेंट्समध्ये या मालिकांचे नवीन टाइम स्लॉट काय असतील याचाही अंदाज लावला आहे. ‘लक्ष्मी निवास’ ६:३० वाजता तर ‘सावळ्याची जणू सावली’ मालिकेची वेळ ६ वाजताची करतील असं अनेकांनी कमेंटमध्ये म्हटलं आहे. तर, काही नेटकऱ्यांनी सावळ्याची जणू सावली ही आता दुपारी ऑन एअर होईल असंही वाटतंय. लवकरच ‘झी मराठी’कडून या दोन्ही मालिकांची नवीन वेळ काय असेल हे जाहीर केलं जाईल. (Zee Marathi Serial Update)
