‘स्टुडंट ऑफ द इअर’, ‘में तेरा हिरो’, ‘हम्टी शर्मा की दुल्हनिया’, ‘कलंक’, ‘भेडिया’, ‘बवाल’, ‘दिलवाले’, ‘जुडवा २’ अशा अनेक गाजलेल्या बॉलिवूड चित्रपटातून प्रेक्षकांच्या भेटीला आलेला अभिनेता म्हणजे वरुण धवन. आपल्या अनेक भूमिकांमधून प्रेक्षकांचे मनोरंजन करणारा हा अभिनेता नुकताच बाबा झाला असून धवन यांच्या मुलीचे आगमन झाले आहे. वरुण धवन व नताशा दलाल यांच्या घरी चिमुकल्या मुलीचे आगमन झाले असून काल (३ जून) रोजी नताशाने बाळाला जन्म दिला. त्यानंतर वरुणचे बाबा व बाळाचे आजोबा डेव्हिड धवन यांनी आनंदाची बातमी दिली आहे.
डेव्हिड धवन यांनी बाळाची भेट घेऊन रुग्णालयातून निघताना नताशाने मुलीला जन्म दिल्याची माहिती दिली. वरुण व नताशा यांना मुलगी झाली आहे, असं डेव्हिड धवन यांनी सांगितलं. फेब्रुवारी महिन्यात वरुण व नताशा यांनी ते आई-बाबा होणार असल्याची बातमी सोशल मीडियावर पोस्ट करून शेअर केली होती. वरुणने नताशा व त्याचा एक फोटो इन्स्टाग्रामवर शेअर केला होता.
सोशल मीडियावर दोघांनी त्यांचे हटके फोटो पोस्ट करत आम्ही प्रेग्नंट आहोत, आम्हाला तुमच्या प्रेमाची व आशीर्वादाची गरज आहे,” असं लिहिलं होतं. तेव्हापासून त्यांच्या अनेक चाहत्यांना या गुडन्यूजची उत्सुकता लागून राहिली होती आणि अखेर काल वरुण-नताशा यांनी चाहत्यांना खुशखबर दिली आहे.
२४ जानेवारी २०२१ ला वरुण व नताशा लग्नबंधनात अडकले होते. वरुण व नताशा लहानपणापासूनचे मित्र-मैत्रीण आहेत. लग्नाआधी दोघांनी बरीच वर्षे एकमेकांना डेट केलं होतं.काही वर्षे रिलेशनशिपमध्ये राहिल्यानंतर त्यांनी २०२१ साली लग्न केलं. आता तीन वर्षांनी दोघे आई-बाबा झाले आहेत. त्यांच्या घरी चिमुकल्या मुलीचं आगमन झालं आहे.
दरम्यान, वरुण धवन व नताशा दलाल यांच्या आई-बाबा झाल्याच्या बातमीने त्यांच्या चाहत्यांमध्ये सध्या आनंदाचं वातावरण आहे. त्यांचे अनेक चाहते त्यांना सोशल मीडियाद्वारे शुभेच्छा देत आहेत.
