अभिनेत्री वनिता खरात ही छोट्या पडद्यावरील ‘महाराष्ट्राची हास्यजत्रा’ या कार्यक्रमामुळे घराघरात पोहोचली. ‘कोळीवाड्याची रेखा’ म्हणून ओळखल्या जाणाऱ्या वनिताने तिच्या दमदार अभिनयातून प्रेक्षकांची मने जिंकली आहे. त्यामुळेच आज तिचा स्वतःचा असा चाहतावर्ग निर्माण झाला आहे. वनिताने केवळ मालिकेपुरतं मर्यादित न राहता आपला मोर्चा चित्रपटाकडे वळवला आणि त्यात प्रेक्षकांची मने जिंकण्यात तिला यश आले. मग तो ‘वाळवी’, ‘सरला एक कोटी’ हे मराठी चित्रपट असो किंवा ‘कबीर सिंग’ हा हिंदी चित्रपट. गेली अनेक वर्ष विनोदी पात्रांमधून प्रेक्षकांना आपलंसं करणारी वनिता आता एक वेगळी भूमिका साकारण्यासाठी सज्ज झाली आहे. (Vanita Kharat new Role)
‘महाराष्ट्राची हास्यजत्रा’सह अनेक विनोदी कार्यक्रमांत खळखळून हसवल्यानंतर वनिता आता एका मालिकेत खलनायिकेच्या भूमिकेत पाहायला मिळणार आहे. ‘सन मराठी’ वाहिनीवरील ‘सुंदरी’ या मालिकेत वनिता ‘साहेब’ हे पात्र साकारताना दिसणार आहे. नुकताच या मालिकेचा प्रोमो आला. ज्यामध्ये वनिता वेगळ्या अंदाजात पाहायला मिळते. मालिकेची नायिका एक अनधिकृत बांधकाम पाडण्याची कारवाई करते. मात्र, ते रोखण्यासाठी वनिता तिथे येताना या प्रोमोमध्ये आपल्याला पाहायला मिळतं. या मालिकेत वनिताची नेमकी काय भूमिका असणार, हे पाहण्यासाठी चाहते आतुरलेले आहेत.
हे देखील वाचा – Video : …अन ऐश्वर्या नारकर खड्ड्यात पडल्या, असा शूट झाला ‘सातव्या मुलीची सातवी मुलगी’चा ‘तो’ सीन, व्हिडीओ व्हायरल
मालिकेचा हा प्रोमो सोशल मीडियावर समोर येताच चाहत्यांनी तिच्यावर कौतुकाचा वर्षाव केला आहे. एक चाहती यावर म्हणाली, “व्वा वनिता, या वेगळ्या रूपातही तू बाजी मारणार.” तर आणखी एका चाहतीने “खूप सुंदर काम केलं आहे” अशी कमेंट केली आहे. अभिनेत्री ईशा डेने वनिताचं अभिनंदन करत तिचे कौतुक केले. त्याचबरोबर, मालिकाविश्वातील अनेक कलाकारांसह चाहत्यांनीही वनिताचे अभिनंदन केले.
हे देखील वाचा – कोल्हापुरमध्ये बंगला घेतला, फार्महाऊस तयार केलं अन्…; भरत जाधव यांनी कायमची सोडली मुंबई, म्हणाले, “वडिलांची…”
दरम्यान, याआधी वनिताने सोनी मराठीवरील ‘पोस्ट ऑफिस उघडं आहे’ मालिकेत काम केलं आहे. तसेच, ‘एकदा येऊन तर बघा’ हा तिचा चित्रपटदेखील लवकरच चित्रपटगृहांमध्ये प्रदर्शित होणार आहे.
