ओटीटीवर दर आठवड्याला नवीन काहीतरी प्रदर्शित होतंच असते. ओटीटीवर अॅक्शन, ड्रामा, रोमान्स अशा सगळ्या आशयाचे नवीन चित्रपट किंवा वेबसिरीज प्रदर्शित होत असतात. यात येत्या नवीन वर्षात ओटीटी वापरकर्त्यांसाठी चित्रपट व वेबसिरीजची पर्वणी असणार आहे. जाणून घ्या हे नवीन चित्रपट आणि वेबसिरीज कोणत्या आहेत.
(१) दोनो
प्रदर्शनाची तारीख : २९ डिसेंबर
ओटीटी प्लॅटफॉर्म : झी-५
सनी देओलचा मुलगा राजवीर देओल आणि पूनम ढिल्लनची मुलगी पलोमा ढिल्लन यांनी या चित्रपटातून अभिनयात पदार्पण केले, तर सूरज बडजात्याचा मुलगा अवनीश बडजात्या याने या चित्रपटांचे दिग्दर्शन करुन सिनेक्षेत्रात पदार्पण केले आहे. काही मर्यादित चित्रपटगृहांमध्ये हा चित्रपट प्रदर्शित झाल्यानंतर आता ओटीटीवर हा चित्रपट प्रदर्शनासाठी सज्ज झाला आहे.
(२) बर्लिन
प्रदर्शनाची तारीख : २९ डिसेंबर
ओटीटी प्लॅटफॉर्म : नेटफ्लिक्स
बर्लिन हे ‘मनी हाइस्ट’ या वेबसिरीजचे स्पिन-ऑफ आहे. ज्यामध्ये बर्लिनची कथा दाखवनयात येणार आहे. २९ डिसेंबरपासून हे नेटफ्लिक्सवर पाहता येणार आहे. या सिरीजमध्ये केवळ बर्लिनच नाही तर इतर कुटुंबियांची गोष्टही पाहता येणार आहे. अभिनेता पेड्रॉ अलोन्सो हाच बर्लिनच्या भूमिकेत दिसणार असून त्याच्याबरोबर इतरही बरीच नवीन पात्र पाहायला मिळणार आहे.
(३) शास्त्री विरुद्ध शास्त्री
प्रदर्शनाची तारीख : २९ डिसेंबर
ओटीटी प्लॅटफॉर्म : नेटफ्लिक्स
शास्त्री विरुध्द शास्त्री हा बंगाली चित्रपट पोश्तोचा रिमेक आहे. या चित्रपटतात अभिनेते परेश रावल, मिमी चक्रवर्ती व शिव पंडित हे कलाकार मुख्य भूमिकेत आहेत. ‘शास्त्री विरुध्द शास्त्री’ (Shastri Viruddh Shastri) या चित्रपटामध्ये ते आजोबांच्या भूमिकेत दिसणार आहेत. आजी-आजोबा आणि नातवाच्या नात्याची अनोखी कहाणी या चित्रपटाद्वारे आपल्याला पाहायला मिळणार आहे.