Rubina Dilaik pregnancy : टीव्ही अभिनेत्री रुबिना दिलैकने सोशल मीडियावर एक व्हिडीओ शेअर करुन खळबळ उडवून दिली आहे. ती प्रेग्नंट असल्याचे तिने व्हिडीओमध्ये म्हटले आहे. बरं, ही चांगली बातमी आहे. मात्र तिच्या चाहत्यांसाठी हे आश्चर्यापेक्षा कमी नाही. जर हे खरे असेल तर रुबिना तिच्या तिसऱ्या मुलाला जन्म देईल. ती आणि तिचा पती अभिनव शुक्ला हे आधीच दोन जुळ्या मुलींचे पालक आहेत. मात्र, हे प्रमोशन आहे की नाही, असा प्रश्न खुद्द रुबिनाच्या पोस्टमुळे उपस्थित झाला आहे.
रुबिना दिलैकने २१ जून २०१८ रोजी अभिनव शुक्ला यांच्याशी लग्न केले. लग्नाच्या पाच वर्षानंतर, २७ नोव्हेंबर २०२३ रोजी ती आई झाली. त्यांनी जीवा आणि इधा या जुळ्या मुलींचे स्वागत केले. आता त्यांच्या मुली जवळपास तीन वर्षांच्या आहेत. दरम्यान, रुबिनाने इन्स्टाग्रामवर स्वतःचा एक व्हिडीओ शेअर केला आहे. यामध्ये ती मोठा श्वास घेत ‘मी प्रेग्नंट आहे’ असे म्हणते. हा व्हिडीओ तसाच आहे. यामुळेच हा नक्कीच कोणत्या ना कोणत्या प्रमोशनचा भाग आहे असे चाहत्यांना वाटते.
आणखी वाचा – Video : अजित पवारांना शेवटचं पाहायला अभिनेते रितेश देशमुख आणि अमोल कोल्हे उपस्थित, पुष्पचक्र अर्पण केलं आणि…
कामाबद्दल बोलायचे झाले तर, रुबीना २०२५ पासून कोणत्याही मालिकेत नाही तर रिॲलिटी शोमध्ये दिसली आहे. ती ‘पति पत्नी और पंगा सीझन १’ चा भाग होती. हा शो कलर्स टीव्हीवर ऑगस्ट ते नोव्हेंबर २०२५ पर्यंत चालला. तिचा पती अभिनव शुक्ला देखील त्यात सहभागी होता. ती गेल्या वर्षी ‘लाफ्टर शेफ्स २’ मध्येही दिसली होती. रुबीना टीव्हीच्या दुनियेत १५ वर्षांपासून आहे. तिने २००८ मध्ये ‘छोटी बहू’ या मालिकेत काम करुन तिने प्रेक्षकांची मने जिंकली होती. त्यानंतर ती ‘शक्ती: अस्तित्व के एहसास की’, ‘जीनी और जुजू’ आणि ‘ससुराल सिमर का’ सारख्या शोमध्ये दिसली.
रुबिना आणि अभिनव रिॲलिटी शो ‘बिग बॉस १४’ चा भाग होते. त्याच्या ग्रँड प्रीमियरमध्येच, दोघांनी खुलासा केला होता की त्यांच्या नात्यात तणाव आहे आणि ते काही दिवसात घटस्फोट देखील घेऊ शकतात. पण त्याला शेवटची संधी द्यायची आहे. जर सुधारणा झाली नाही तर ते वेगळे होतील.
