‘झी मराठी’ वाहिनीवरील ‘तुला शिकवीन चांगलाच धडा’ ही मालिका प्रेक्षकांच्या पसंतीस पडत आहे. अल्पावधीतच या मालिकेला प्रेक्षकांची भरभरुन पसंती मिळाली आहे. या मालिकेत अक्षरा व अधिपती यांची प्रेमकहाणी पाहणं रंजक ठरत आहे. मालिकेत एकामागोमाग एक रंजक वळण येताना पाहायला मिळत आहेत. भुवनेश्वरीची चाल, नवनवीन डाव आणि त्यावर अक्षराने फेरलेलं पाणी हे सर्व प्रेक्षक एन्जॉय करत आहेत. शिवाय या मालिकेच्या कथेतून शिक्षणाचे धडेही रसिक प्रेक्षकांना मिळत आहे. शिक्षणाचं महत्त्व पटवून देणारी ही मालिका आहे. (Tula Shikvin Changalach Dhada Promo)
मालिकेत अक्षरा व अधिपती यांची प्रेमकहाणी पाहणं रंजक ठरत आहे. मात्र भुवनेश्वरी अक्षरा व अधिपती यांच्या नात्यात दुरावा येण्यासाठी काही ना काही चाल आखत असतात. अधिपतीला गाणं शिकायचं असतं ही संधी साधत भुवनेश्वरी सरगम मॅडमना अधिपतीच्या आयुष्यात घेऊन येते. आणि अक्षरा व अधिपती यांच्या नात्यात दुरावा आणण्यासाठी तिला पैसेही देते. भुवनेश्वरी व सरगमचा हा डाव, सरगमची अधिपतीजवळची जवळीक अक्षरा ओळखते आणि तिच्यावर लक्ष ठेवून असते.
तर एकीकडे अक्षरा व अधिपती दोघांनाही एकमेकांवरील प्रेमाची कबुली द्यायची आहे. त्यासाठी दोघेही धडपडत असतात. समोर आलेल्या प्रोमोमध्ये अधिपती त्याच्या पाकिटातील अक्षराच्या फोटोकडे पाहत तिच्या संवाद साधतो. तो म्हणतो की, “आपल्या लग्नाच्या आधी मला असं वाटायचं की, सरळ तुमच्या घरी जावं. तुम्हाला समोर बसवावं आणि तुमच्यापुढे गुडघ्यावर फुल वगैरे घेऊन बसावं. मग हवा जाईल. जशी आता तुमची परिस्थिती झाली आहे. सेम टू सेम आता तुमचंही माझ्यासारखं झालं आहे”.
“खरं सांगतो. आताच इतकं धडधड होत आहे. तुम्हाला जेव्हा पहिल्यांदा पाहिलं होत तेव्हाही अगदी असंच झालं होतं”, असं म्हणत अधिपती नाचू लागतो. तर इकडे अक्षराही अधिपतील फोन करुन वेळ असेल तर फिरायला रंकाळा येथे जायचं का?, असं विचारते. आता रंकाळाला गेल्यावर अक्षरा व अधिपती एकमेकांवरील प्रेमाची कबुली देणार का?, हे पाहणं रंजक ठरेल.
