छोट्या पडद्यावरील लोकप्रिय मालिका ‘तुला शिकवीन चांगलाच धडा’ या मालिकेत एकामागोमाग एक रंजक वळण येताना पाहायला मिळत आहे. मालिकेला विशेष पसंती मिळताना पाहायला मिळत आहे. या मालिकेत अक्षरा व अधिपतीची प्रेमकहाणी पाहायला मिळत आहे. मालिकेत अक्षराच्या भूमिकेत अभिनेत्री शिवानी रांगोळे तर अधिपतीच्या भूमिकेत अभिनेता हृषीकेश शेलार पाहायला मिळत आहे. शिवानी व हृषीकेशवर प्रेक्षक भरभरुन प्रेम करत आहेत. त्यामुळे या कलाकारांच्या वैयक्तिक आयुष्याविषयीही चाहत्यांना जाणून घ्यायचं असतं. अधिपतीच्या खऱ्या आयुष्याबाबत बोलायचं झालं तर नेहमीच तो त्याच्या कुटुंबाबरोबरचे अनेक फोटो, व्हिडीओ पोस्ट करत असतो. (Hrishikesh Shelar Daughter)
सहा वर्षांपूर्वी हृषीकेश खऱ्या आयुष्यात लग्नबंधनात अडकला. त्याने नेहासह लग्नगाठ बांधली. वर्षभरापूर्वी अभिनेता ऋषिकेश शेलार आणि नेहा आई बाबा झाले. त्यांना कन्यारत्न प्राप्त झालं. मुलीच्या जन्मानंतर अभिनेता खूप खुश असलेला दिसला. मोठ्या दणक्यात त्यांनी त्यांच्या लेकीचा नामकरण सोहळा पार पाडला. ‘सुंदरा मनामध्ये भरली’ मालिकेच्या कलाकारांची संपूर्ण टीम ऋषिकेशच्या मुलीच्या बारश्याला पोहोचली होती. हृषीकेशने त्याच्या लेकीचं नाव रुही असं ठेवलं आहे.
सोशल मीडियावरही हृषीकेश बऱ्यापैकी सक्रिय असतो. तो नेहमीच त्याच्या मुलीचे फोटो शेअर करत असतो. या फोटोंमध्ये हृषीकेशची लेक खूपच क्युट आणि नाजूक दिसत आहे. हृषीकेश त्याच्या गोंडस लेकीचे अनेक फोटो व व्हिडीओ शेअर करत असतो. चाहतेही त्यांच्या या फोटोंवर लाईक्स व कमेंटचा वर्षाव करताना दिसतात.
लेकीच्या जन्मानंतर ऋषिकेश आणि नेहा प्रचंड खुश आहेत. नेहा सध्या लेकीची काळजी घेत आहे. पहिली बेटी धनाची पेटी असं म्हणतात, रूहीचं पाऊल घरात पडले आणि माझं आयुष्य बदलून गेलं. मला झी मराठीच्या ‘तुला शिकवीन चांगलाच धडा’ या मालिकेमध्ये पहिल्यांदाच नायकाची भूमिका साकारायला मिळाली.” असं सांगत लाडक्या लेकीला ऋषिकेशने त्याच्या यशाचं संपूर्ण श्रेयही दिलं आहे.