आमिर खानची लाडकी लेक आयरा खान नेहमीच चर्चेत असते. इतकंच नव्हेतर संपूर्ण खान कुटुंबही कोणत्या ना कोणत्या कारणामुळे चर्चेत असलेलं पाहायला मिळतं. आयरा खान मात्र आजवर इतर स्टार किड्सप्रमाणे आलिशान जीवनशैली पासून दूर राहिली. परदेश दौरा, आलिशान राजवाड्यासारखे घर आणि शाही थाटामाट, उच्च राहणीमान असं आलिशान जीवन आमिर खानच्या लेकीने जगलं नाही. मात्र आता लग्नानंतरही आयराने साधे जीवन जगण्याकडे अधिक भर दिलेला पाहायला मिळत आहे. लग्नानंतरही ती साधे जीवन जगत आहे आणि ज्यात ती आनंदी आहे. (Ira khan and Nupur Shikhare Home)
आयराने या वर्षाच्या सुरुवातीला तिचा फिटनेस ट्रेनर नुपूर शिखरेबरोबर लग्न केले. मुंबई आणि त्यानंतर राजस्थानमध्ये झालेल्या या भव्य लग्नाचे फोटो व व्हिडीओ स्पशल मीडियावर तुफान व्हायरल झाले होते. लग्नानंतर आयरा नुपूरबरोबर त्याच्या जुन्या घरात राहत आहे. आमिर खानचे आलिशान घर सोडून, सुपरस्टारच्या मुलीकडे आता नुपूरच्या मालकीची एक छोटी खोली असलेली पाहायला मिळत आहे. नुपूर आणि त्याची आई अनेकदा त्यांच्या घराचे व्हिडीओ सोशल मीडियावर शेअर करतात. हे व्हिडीओ पाहून असा अंदाज लावला जाऊ शकतो की, आयराने नुपूरशी लग्न त्याचे राहणीमान वा जीवनशैलीमुळे नाही तर खास नात्यामुळे केले आहे.
आयरा आणि नुपूरची बेडरूम खूप साधी आणि सिंपल आहे. दोघांनाही दिखाऊ आयुष्यापेक्षा साधेपणा जास्त आवडतो. या खोलीत दोघेही आनंदाने आपले जीवन जगत आहेत. नुपूर अनेकदा बाथरूमच्या आरशात पाहून व्हिडीओ बनवत असतो. यांत त्याच्या काचेच्या आणि छोट्या, सुंदर बाथरूमची झलक पाहायला मिळते. नूपुरची डान्सर आई अनेकदा सोशल मीडियावर खूप सक्रिय असते आणि फोटो व व्हिडीओ शेअर करत असते. बरेचदा ते स्वयंपाकघरातूनही व्हिडीओ शेअर करतात. या त्याच्या स्वयंपाकघरात लाकडी कपाट पाहायला मिळतंय. तर त्यांच्या फ्रिजवर बरेच स्टिकर चिकटवलेले दिसत आहेत.
नुपूरच्या आईने सुष्मिता सेनसारख्या अभिनेत्रींना नृत्य शिकवले आहे. ती त्यांच्या घरातील हॉलमधून डान्सचे व्हिडीओ चाहत्यांबरोबर शेअर करते. यावेळी त्यांच्या सुंदर आणि भव्य अशा हॉलची झलकही पाहायला मिळते. आयरा कोरोनाच्या काळात नुपूरच्या फिटनेस क्लासमध्ये सहभागी झाली होती. या ऑनलाइन क्लासदरम्यान दोघेही प्रेमात पडले. गेल्या वर्षी त्यांनी त्यांचा साखरपुडा सोहळा उरकला. त्यानंतर त्यांनी या वर्षाच्या सुरुवातीला लग्नसोहळा उरकला. सध्या दोघेही त्यांच्या संसारात सुखी आहेत आणि काम करत आहेत.