Bigg Boss Marathi 6 : ‘बिग बॉस मराठी’ सिझन ६ मध्ये पुन्हा एकदा एलिमिनेशन होणार असल्याचं समोर आलं आहे. या आठवड्यात घरातून कोण बाहेर पडणार याबाबत प्रेक्षकांमध्ये प्रचंड उत्सुकता निर्माण झाली आहे. सोशल मीडियावर यासंदर्भातील चर्चांना उधाण आलं आहे. या आठवड्यात घराबाहेर जाण्यासाठी एकूण सात स्पर्धक नॉमिनेट झाले होते. यात विशाल कोटियन, संस्कृती साळुंके, सागर कारंडे, रेवा कौरासे, प्रभू शेळके, राकेश बापट आणि दीपाली सय्यद यांचा समावेश होता. यापैकी बहुतांश सदस्य टास्कदरम्यान नॉमिनेट झाले होते.
तथापि, या सगळ्यामध्ये वेगळाच ट्विस्ट पाहायला मिळत आहे. यावेळी घराबाहेर जाण्याची शक्यता ‘वाइल्ड कार्ड’ एन्ट्री म्हणून आलेल्या संस्कृती साळुंकेवर असल्याची चर्चा रंगली आहे. या आठवड्यात संस्कृतीचे घरातील अनेक सदस्यांशी वाद झाले होते. विशेषतः अनुश्री आणि प्रभूसोबतचे तिचे भांडण चांगलेच चर्चेत आले होते. या वादादरम्यान अनुश्रीने तिला थेट “तूच या आठवड्यात बाहेर जाणार” असंही सुनावलं होतं. दरम्यान, सोशल मीडियावर फिरणाऱ्या अपडेटनुसार, संस्कृती साळुंकेच दहाव्या आठवड्यात घराबाहेर पडली असल्याचं म्हटलं जात आहे. जर ही माहिती खरी ठरली, तर तिचा ‘बिग बॉस’मधील प्रवास फारच कमी होता.
आणखी वाचा – एक फ्लॅट, दोन कुटुंब आणि तुफान राडा; ‘सुपर डुपर’चा धमाकेदार ट्रेलर प्रदर्शित, गंमतीशीर संवाद लक्षवेधी
याचबरोबर ‘भाऊच्या धक्क्या’वर या आठवड्यात आणखी ड्रामा पाहायला मिळणार आहे. होस्ट रितेश देशमुख घरातील काही सदस्यांची खरडपट्टी काढताना दिसणार आहे. राखी सावंत आणि संकेत पाठक यांच्या वागणुकीवर तो नाराजी व्यक्त करणार असल्याची माहिती समोर आली आहे. जेवण वाया घालवल्याच्या प्रकारावरून राखीला शिक्षा होण्याची शक्यता केली जात आहे.
आणखी वाचा – एक फ्लॅट, दोन कुटुंब आणि तुफान राडा; ‘सुपर डुपर’चा धमाकेदार ट्रेलर प्रदर्शित, गंमतीशीर संवाद लक्षवेधी
