मराठी मनोरंजन विश्वात सध्या लग्नसराई सुरु आहे. नुकताच शुभंकर एकबोटे व अमृता बने या दोघांनी एकमेकांबरोबर विवाहगाठ बांधली. बऱ्याच दिवसांपासून अमृता व शुभंकरच्या लग्नाची चर्चा सुरु होती. अखेर दोघांनी सप्तपदी घेत लग्नगाठ बांधली आहे. अमृता व शुभंकरचा पुणेरी थाटात शाही विवाह सोहळा पार पडला. अशातच आता मराठी कलाविश्वातील आणखी एक अभिनेता विवाहबंधनात अडकला आहे आणि हा अभिनेता म्हणजे ठिपक्यांची रांगोळी या मालिकेतून घराघरांत पोहोचलेला चेतन वडनेरे.
अभिनेता चेतन वडनेरेने गर्लफ्रेंड ऋजूता धारपबरोबर विवाहगाठ बांधली आहे. चेतन-ऋजुता यांनी जवळचे मित्र आणि नातेवाईकांच्या उपस्थितीत एकमेकांबरोबर लग्नगाठ बांधली आहे. चेतन-ऋतुजा काही वर्षांपासून रिलेशनशीपमध्ये होते आणि अखेर दोघांनी आज म्हणजेच २२ एप्रिल २०२४ रोजी त्यांनी एकमेकांबरोबर लग्नगाठ बांधली आहे. त्यांच्या लग्नाचे फोटो सोशल मीडियावर व्हायरल होत असून कलाकारांसह त्यांच्या अनेक चाहत्यांनी दोघांवर शुभेच्छाचा वर्षाव केला आहे.
आणखी वाचा – शुभमंगल सावधान! अखेर अमृता बने व शुभंकर एकबोटे अडकले लग्नबंधनात, पुणेरी थाटामाटात उरकला विवाहसोहळा
चेतन-ऋजूताने त्यांच्या लग्नाचे फोटो नुकतेच सोशल मीडियावर शेअर केलेत. ‘कुर्यात सदा मंगलम्’ असं कॅप्शन देत चेतन-ऋजूताने लग्नाचे फोटो शेअर केलेत. चेतन-ऋजुता यांच्या लग्नातील पारंपरिक लूकने सर्वांचं लक्ष वेधलं आहे. चेतन-ऋजूता या दोघांनी ‘फुलपाखरु’ मालिकेत अभिनय केला होता. ‘फुलपाखरु’ मालिकेच्या सेटवरच दोघांची मैत्री झाली आणि मैत्रीचं रुपांतर प्रेमात झालं.
यानंतर चेतन-ऋजूता यांनी काही वर्षापुर्वी त्यांच्या नात्याचा जाहीर खुलासा केला. या दोघांची जोडी सोशल मीडियावर चांगलीच चर्चेत असते, काही महिन्यांपुर्वी साखरपुडा करुन दोघांनी आज एकमेकांबरोबर सात फेरे घेत लग्नगाठ बांधली आहे.