kamali upcoming twist : मालिकाविश्वातील अनेक मालिका प्रेक्षकांच्या मनावर अधिराज्य गाजवत आहेत. मालिकांमधील नवनवीन ट्रक नेहमीच प्रेक्षकांचं विशेष लक्ष वेधून घेताना दिसतात. यादरम्यान झी-मराठीवरील ‘कमळी’ ही मालिका प्रेक्षकांच्या विशेष पसंतीस उतरली आहे. मालिका सुरु झाल्यापासून मालिकेत कमळीच्या भूमिकेने साऱ्यांचं लक्ष वेधलं आहे. गावाकडून शहराकडे अनेक स्वप्न घेऊन आलेल्या कमळीचा खडतर प्रवास मालिकेत पाहायला मिळत आहे. मालिकेच्या वाढत्या लोकप्रियतेमुळे मालिकेची TRP देखील वाढताना दिसत आहे. अल्पावधीतच या मालिकेला प्रेक्षकांचा भरभरुन प्रतिसाद मिळताना पाहायला मिळत आहे.
मालिकेत कमळी आणि ऋषी यांच्या भूमिकेत दिसणारे अभिनेता निखिल दामले आणि अभिनेत्री विजया बाबर ही जोडी झळकत असून, प्रेक्षकांकडून त्यांना प्रचंड प्रेम मिळत आहे. अलीकडेच झी-मराठीने त्यांच्या सोशल मीडिया अकाऊंटवर एक नवीन प्रोमो शेअर केला आहे. त्यात दाखवण्यात आलं आहे की कमळी आणि अनिका यांच्यात कबड्डीची मॅच रंगते. या सामन्यात ऋषी देखील कमळीला सपोर्ट करण्यासाठी मैदानात येतो.
अनिकाला कमळीने दिलेला सल्ला मान्य नसतो. तरीही खेळात अनिका कमळीने दिलेला सल्ला वापरते आणि गेम जिंकते. मात्र यासाठी ती कमळीचे साधे आभारही मानत नाही. यानंतर मात्र अनिका कमळीला आणि तिच्या टीमला चॅलेंज देते. शेवटी अनिकाला धडा शिकवण्यासाठी कमळी मैदानात उतरते. आणि या खेळादरम्यान कमळी जखमी होते, पण तरीही ती हार मानत नाही आणि पूर्ण ताकदीने सामना खेळते. तिच्या टीमचे डेडिकेशन पाहून अनिकाला मात्र टेन्शन येतं.
प्रोमोमध्ये पुढच्या भागात असं दाखवलं की, कमळी आणि तिची टीम अनिकाच्या टीमवर मात करुन विजय मिळवताना दिसतात. हे पाहून अनिका संतापते. तर आता प्रश्न असा की, कमळीच्या या विजयाचा बदला घेण्यासाठी अनिका कोणता नवा डाव आखेल? कमळीला पुढे कोणत्या संकटांना सामोरं जावं लागेल?, हे सारं पाहणं मालिकेत रंजक ठरेल.
