‘ठरलं तर मग’ ही छोट्या पडद्यावरील लोकप्रिय मालिका आहे. टीआरपीच्या शर्यतीत देखील ही मालिका अव्वल स्थानावर कायम असते. मालिकेत सध्या दिवाळीनिमित्त खास भाग दाखवले जात आहे. सायली-अर्जुनची लग्नानंतरची ही पहिलीच दिवाळी असल्यामुळे मालिकेत सध्या आनंदी वातावरण पाहायला मिळत आहे. या मालिकेतील नवनवीन ट्विस्ट प्रेक्षकांचं नेहमीच लक्ष वेधून घेतात. अशातच मालिकेत पुन्हा एकदा नवीन ट्विस्ट येणार असलायचं समोर आलं आहे. नुकताच ‘स्टार प्रवाह’च्या सोशल मीडियाद्वारे या मालिकेचा नवीन प्रोमो प्रदर्शित झाला आहे. (Tharla Tar Mag Serial New Promo)
या नवीन प्रोमोमध्ये असं दाखवण्यात आलं आहे की, लक्ष्मीपूजनावेळी प्रतिमा सुभेदारांच्या घरी येऊन पोहोचते. इतक्यात सायलीला कोणीतरी आल्याचा भास होतो आणि ती पळत दरवाज्यापर्यंत जाते. तेवढ्यात प्रतिमाच्या पिशवीतून एक लक्ष्मीचं नाणं पडतं आणि ते घरंगळत रांगोळीवर जातं. सायली जोपर्यंत घराबाहेर जाते, तोपर्यंत प्रतिमा निघून गेलेली असते. मात्र तिला ते नाणं सापडतं. त्यानंतर सायली घरामध्ये येऊन त्या नाण्याविषयी सांगते. पूर्णाआजीला ते लक्ष्मीचं नाणं पाहिल्यावर प्रतिमाची आठवण येते आणि ती हे नाणं प्रतिमाचं असल्याचं घरच्यांना सांगते.
आणखी वाचा – “दादा मला एक वहिनी आण…”, ओंकार भोजनेच्या लग्नाबाबत नम्रता संभेरावचं भाष्य, म्हणाली, “माझ्या भावाला…”
दरम्यान मालिकेत सुभेदारांकडे दिवाळी सण मोठ्या आनंदात साजरा केला असल्याचे पाहायला मिळाले. मोठ्या उत्साहाने सगळेजण एकत्र आलेले पाहायला मिळत आहे. पूर्णाआजी सायलीसह सर्वांना फराळ भरवते. दुसरीकडे प्रतीमा कुसुमसह फराळाची तयारी करते. अर्जुन-सायलीही एकमेकांना फराळ भरवतात. तर प्रतिमा फराळाचा स्टॉल लावून विकत असते. तिथे नेमकी तन्वी पोहोचते आणि ती देखील प्रतिमाकडून फराळ विकत घेते. आणि तो फराळ स्वत: बनवला असे घरी व पूर्णाआजीला सांगणार असते. तर हे सारं करताना कुसुम प्रियाला पाहते. असे आतापर्यंत दाखवण्यात आले आहे.
आणखी वाचा – राहुल वैद्य व दिशा परमारच्या लेकीचं महाराष्ट्रीयन पद्धतीने थाटामाटात बारसं, मुलीचं नाव ठेवलं…
मालिकेत सर्वांपासून आपली ओळख लपवून फिरत असलेली प्रतिमा आता सुभेदारांच्या घरापर्यंत येऊन पोहोचणार आहे. अशातच सुभेदारांच्या घरात तिची एंट्री होणार का? मालिकेत आता कोणतं नवीन वळण येणार? हे जाणून घेणं चाहत्यांना उत्सुकतेचं ठरणार आहे.
