सध्या ‘स्टार प्रवाह’वरील ‘ठरलं तर मग’ मालिकेला चांगलीच लोकप्रियता मिळत आहे. अभिनेत्री जुई गडकरी व अभिनेता अमित भानुशाली यांची प्रमुख भूमिका असलेली ही मालिका प्रेक्षकांच्या मनावर अधिराज्य गाजवत आहे. गेल्या काही महिन्यांपासून ही मालिका टीआरपीच्या यादीत अव्वल स्थानावर कायम टिकून आहे. याच आठवड्यात या मालिकेने रेकॉर्डब्रेक टीआरपी मिळवली आहे. नुकतंच मालिकेच्या सेटवर यानिमित्त सेलिब्रेशन चांगल्या जल्लोषात साजरा करण्यात आलं. याचे व्हिडिओ सध्या सोशल मीडियावर व्हायरल होत आहे. (fame jui gadkari share update about her wedding)
मालिकेतील ‘सायली’ हे पात्र साकारणारी जुई प्रेक्षकांच्या चांगलीच पसंतीस उतरत आहे. त्यामुळे सायली म्हणजेच जूईचा मोठा चाहतावर्ग आहे. ती सोशल मीडियावर बरीच सक्रिय असते. नेहमी ती कामाव्यतिरिक्त वैयक्तिक आयुष्यातील गोष्टी इन्स्टाग्रामवर शेअर करत असते. ती ‘ठरलं तर मग’ मालिकेच्या सेटवरील धमाल-मस्ती व त्यादरम्यानचे व्हिडीओ सोशल मीडियाद्वारे शेअर करताना दिसते. मागेही तिने निवांत वेळी करत असलेल्या महत्त्वाच्या कामाचा व्हिडिओ शेअर केला होता. तसेच तिला चित्रीकरणामधून वेळ मिळाला की, विविध व्हिडीओ शेअर करताना दिसते.
आताही तिने चाहत्यांबरोबर संवाद साधण्यासाठी इन्स्टाग्रामवर एक सेशन ठेवलं होतं. या सेशनद्वारे तिने चाहत्यांना तिला प्रश्न विचारण्याची संधी दिली होती. यावेळी एका चाहत्याने जुईला तिच्या खासगी आयुष्याबाबत प्रश्न विचारला. जुईने त्याच्या या प्रश्नाला अगदी हसत खेळत उत्तर दिलं. “तुझं लग्न कधी होणार आहे?” असा प्रश्न एका चाहत्याने जुईला विचारला. या प्रश्नाला ती उत्तर देत म्हणाली, “लवकरच माझं लग्न आहे. पत्रिका छापल्या की, तुम्हाला नक्की आमंत्रण देणार”. असं लिहीत तिने चाहत्याच्या प्रश्नाला उत्तर दिलं.
दरम्यान या मालिकेने टीआरपीच्या शर्यतीत आपला अव्वल क्रमांक टिकवून ठेवला आहे. मालिकेतील सायलीवर झालेला हल्ला टीआरपीच्या शर्यतीतील महत्त्वाचा मुद्दा ठरला आहे. यापूर्वी टीआरपीचा आकडा ७च्या पार जात नव्हता मात्र मालिकेतील येत असलेल्या विविध वळणांमुळे मालिकेचा टीआरपी ७.४ वर पोहोचला आहे.