Jui Gadkari Modern Look : ‘ठरलं तर मग’ ही मालिका सध्या टीआरपीच्या यादीत आघाडीवर असून ही मालिका गेली दोन-अडीच वर्ष प्रेक्षकांच्या मनावर राज्य करत आहे. मालिका सुरु झाली तेव्हपासून या मालिकेचा प्रेक्षकवर्ग फॅन झाला आहे. या मालिकेच्या कथानकाने आणि जोडीला कलाकारांच्या अभिनयाने खऱ्या अर्थाने लोकप्रियता मिळवून दिली. या मालिकेतील प्रत्येक कलाकाराने त्यांच्या भूमिका अधिक उठावदार केल्या आहेत. मालिकेतील सायली-अर्जुनच्या जोडीला तर प्रेक्षकांनी अक्षरशः डोक्यावर उचलून धरलं आहे. ही जोडी रसिकांच्या मनात घर करुन आहे. त्यांच्यातील प्रेम, रुसवे-फुगवे सगळंच साऱ्यांना आवडू लागलं आहे.
मालिकेत आजवर अनेक ट्विस्ट आलेले पाहायला मिळाले. यामध्ये सायली-अर्जुन यांच्यातील दुरावा संपून ते एकत्रही आलेले दिसले याने साऱ्यांना आनंद झाला. मालिकेत सायलीने नेहमीच प्रेक्षकांची मन जिंकली. तिचा निरागस स्वभाव साऱ्यांना पटला. इतकंच नाहीतर सायली नेहमीच मालिकेत साडी नेसून सोज्वळ सून म्हणून वावरताना दिसली. आता मात्र, सायलीच्या भूमिकेने साऱ्यांच्या नजरा वळविल्या आहेत. यांत सायलीचा पूर्णतः लूकच बदललेला दिसत आहे.
आणखी वाचा – अभिषेक देशमुखकडून बायकोचं तोंडभरुन कौतुक, मालिकेतील पदार्पणाआधी दिला सल्ला, म्हणाला, “फक्त स्पर्धा…”
नेहमीच साडीत दिसणारी सायली आता वेस्टर्न अंदाजात दिसल्याने अनेकांच्या भुवया उंचावल्या आहेत. मालिकेमध्ये सायलीचा मॉडर्न लूक दाखवण्यात आला असून सायलीच्या मंगळसूत्राने सर्वांचं लक्ष वेधलं आहे. सायली ही भूमिका साकारणाऱ्या जुई गडकरीने नुकतेच तिच्या मालिकेतील नव्या लूकचे काही फोटो शेअर केले आहेत. यामध्ये तिने राखाडी रंगाचा चिकनकरी कुर्ता परिधान केला आहे. ड्रेसवर सूट होतील असे ऑक्सिडाइज मोठे कानातले आणि कडं घातलं आहे. त्याचबरोबर जुईने केसांना कर्ल्स केलंय, त्यामुळे तिचा लूक पूर्णपणे स्टनिंग वाटतोय.
आणखी वाचा – फोटोग्राफरला दिसणारी ती मुलगी कोण?, ‘छबी’ चित्रपटाच्या ट्रेलरने वाढविली उत्सुकता, फोटोमागील गूढ उलगडणार
सायलीने अर्थातच हा लूक अर्जुनसाठी केला आहे. सायलीचे हे घायाळ करणारे फोटो समोर आले असून या फोटोवर चाहत्यांनी लाईक्सचा वर्षाव करत “साधं आणि सुंदर रूप जुई ताई”, “हाच लूक पुढे असणार आहे ना जुई”, “अप्रतिम लावण्य”, “खूप छान दिसत आहेस”, अशा कमेंट्स केल्या आहेत.
