Monika Dabade Post : कलाकार मंडळी नेहमीच त्यांच्या अभिनयाने रसिक प्रेक्षकांच्या मनावर राज्य करतात. आजवर अशी अनेक कलाकार मंडळी आहेत ज्यांनी त्यांच्या अभिनयासाठी अहोरात्र मेहनत केली आहे. ही कलाकार मंडळी बरेचदा घरापासून दूर राहत शूटिंग करतात. काहीवेळेस महिनोंमहिने त्यांना घरापासून दूर राहावं लागतं. बरेचदा ही मंडळी सेट जवळ असेल तर ये-जा करतात. काही अभिनेत्री तर गरोदरपणानंतर लगेचच कामाला सुरुवात करतात. अनेकदा घर-काम सांभाळण्यात त्यांची तारांबळ उडते मात्र कुटुंबाचा खंबीर पाठिंबा असला तर या अभिनेत्रींना हे सहज शक्य होते. बरेचदा अडचणीच्या वेळेत ही कलाकार मंडळी त्यांच्या मुलांना सेटवरही घेऊन येतात.
काही महिन्यांपूर्वी आई झालेल्या मोनिका दाबाडेनेही नुकतीच तिच्या लेकीसह मालिकेच्या सेटवर हजेरी लावली. मोनिका स्टार प्रवाह वाहिनीवरील ‘ठरलं तर मग’ मालिकेत अस्मिता ही भूमिका साकारत आहे. गरोदरपणाच्या वेळी मोनिकाने मालिकेतून ब्रेक घेतला होता, आणि ती तिच्या नवऱ्याच्या घरी जात असल्याचे दाखविण्यात आले होते. आता लेकीच्या जन्मानंतर मोनिका पुन्हा एकदा कामावर परतली आहे.
सोशल मिडियावर मालिकेच्या सेटवरील फोटो शेअर करत तिने ही आनंदाची बातमी चाहत्यांना दिली. “आवडत्या लोकांबरोबर, जगातल्या सगळ्यात आवडत्या व्यक्तीला घेऊन, आवडतं काम करायला मिळणं, यासाठी भाग्य लागतं. तुमच्या सगळ्यांमुळे हे शक्य होत आहे. आणि नकारात्मक कामाकडे दुर्लक्ष, आपल्या आपल्या कामाकडे लक्ष”, असं कॅप्शन देत तिने ही गुडन्यूज दिली. यावेळी चित्रीकरणासाठी गेलेली मोनिका एकटीच सेटवर गेली नाही तर तिच्या तीन महिन्याच्या लेकीलाही घेऊन गेली. लेकीबरोबरचे सेटवरचे फोटो तिने पोस्ट केले आहेत.
१५ मार्च रोजीला मोनिका दाबाडेने लेकीला जन्म दिला. त्यानंतर जवळपास दोन महिन्यांनी लेकीला गोंडस नाव दिलं. मोनिका दबाडेने लेकीला ‘वृंदा’ असं नाव दिलं आहे. बारशाचा फोटो शेअर करत मोनिकाने एक पोस्ट देखील केली होती. वृंदा म्हणजे पवित्र तुळस… तुमच्या सर्वांचे प्रेम असेच कायम राहू द्या अशी नावाच्या अर्थाची पोस्ट तिने शेअर केली होती.
