tharala tar mag : स्टार प्रवाह वाहिनीवरील ‘ठरलं तर मग’ ही मालिका प्रेक्षकांची लोकप्रिय मालिका झाली आहे. या मालिकेने आजवर रसिक प्रेक्षकांच्या मनात घर केलं आहे. गेले अनेक दिवस ही मालिका रसिकांच्या मनात घर केलं आहे. या मालिकेतील कलाकारांनी त्यांच्या अभिनयाने प्रेक्षकांमध्ये स्वतःच असं स्थान निर्माण केलं आहे. सायली अर्जुनच्या जोडीला तर प्रेक्षकांनी अक्षरशः डोळ्यावर उचलून धरलं आहे. याशिवाय इतरही कलाकार त्यांच्या भूमिकांमुळे प्रसिद्धीझोतात आहेत. ही मालिका सुरु झाल्यापासून टीआरपीच्या शर्यतीत अव्वल स्थानावर असलेली पाहायला मिळते. मालिकेच्या कथानकात नेहमीच नवनवीन ट्विस्ट आलेले पाहायला मिळतात.
मालिकेत गेल्या दोन वर्षांपासून चालत असलेल्या कोर्ट ड्रामाने प्रेक्षकांचं विशेष लक्ष वेधलं आहे. ज्यामुळे वात्सल्य आश्रमाच्या केसचा निकाल लागण्यासाठी आता अवघे १५ दिवस उरले आहेत. सध्या मालिकेत जास्तीत जास्त पुरावे शोधण्यासाठी अर्जुन आणि सायली धडपड करताना दिसले. मात्र हवेतसे पुरावे हाती न लागल्यामुळे अवघ्या १५ दिवसांत सगळ्या गोष्टी कशा मार्गी लावायच्या या विचारात अर्जुन पाहायला मिळतोय.
आश्रमात सापडलेलं साक्षीचं अर्ध पेंडंट आणि कॉल डिटेल्स हे दोन्ही पुरावे कोर्टात सादर केल्यावर निकाल नक्की फिरेल? याची खात्री मात्र अर्जुन-सायलीला असते. तर याच संदर्भात साक्षीच्या घरातील सर्वात महत्त्वाचा पुरावा शोधण्यासाठी आता अर्जुन एक वेगळंच रुप घेणार आहे. पिकलेले लांब केस, मोठी दाढी असा वेगळाच लूक करुन अर्जुन साक्षी शिखरेच्या घरी जाणार आहे.साक्षीच्या आईची पुण्यतिथी असते, याचदरम्यान गुरुजींच्या वेशात अर्जुन साक्षी-महिपतच्या घरी आलेला दिसतो.
आणखी वाचा – अंकिता लोखंडेच्या चमकदार त्वचेचं रहस्य आहे तरी काय?, चांदीचा ग्लास, मॅजिक वॉटर आणि…
यावेळी त्याठिकाणी प्रिया देखील उपस्थित असते. मात्र, अर्जुन वेगळ्या रुपात साक्षीच्या घरी आल्याने कोणीही त्याला ओळखू शकत नाही.आता अर्जुनच्या हाती साक्षीच्या विरोधात अजून काही ठोस पुरावा लागणार का? की त्याआधीच प्रिया त्याला ओळखणार हे पाहणं महत्त्वाचं ठरणार आहे. या आश्रम केससंदर्भातील महत्त्वाचा पुरावा कधी मिळेल? या एपिसोडची प्रेक्षक आतुरतेने वाट पाहत आहेत.
