Divyanka Tripathi Vivek Dahiya IVF controversy : टीव्ही इंडस्ट्रीची प्रसिद्ध अभिनेत्री दिव्यांका त्रिपाठी सध्या आपल्या मुलाच्या स्वागताच्या तयारीत आहे. अलीकडेच तिचे बेबी शॉवरचे अनेक फोटो आणि व्हिडीओ व्हायरल झाले आहेत. दरम्यान, दिव्यांकाची एक पोस्ट सर्व चाहत्यांना आश्चर्यचकित करत आहे. दिव्यांका आणि तिचा पती विवेक दहिया यांनी एका वृत्तपत्राचा एक फोटो शेअर केला आहे, ज्यामध्ये त्यांच्या फोटोंसह ‘उशीरा मातृत्व’ आणि IVF शी संबंधित लेख लिहिलेला आहे. दोघांनीही ही बातमी चुकीची ठरवत सत्याचा खुलासा केला आहे. दिव्यांकाने तिची गर्भधारणा नैसर्गिक असल्याचे म्हटले आहे.
दिव्यांका त्रिपाठीने फोटो शेअर करत लिहिले की, “आम्ही वैद्यकीय शास्त्राच्या प्रगतीचे आणि लोकांना मिळालेल्या सहानुभूतीचे कौतुक करतो, परंतु आम्ही एक गोष्ट स्पष्ट करु इच्छितो की आमचे सकारात्मक परिणाम IVF मुळे नाहीत, तर ते नैसर्गिक आहे. ही गोष्ट स्वतःच एका वेगळ्या प्रकारची आशा निर्माण करते. पालकत्वाचा प्रत्येक मार्ग सुंदर आहे आणि आम्ही आपल्या लेखाद्वारे आपण पसरवत असलेल्या जागरुकतेचे समर्थन करतो. हे आमच्या बाबतीत खरे आहे की नाही हे तुम्ही आम्हाला विचारले असते तर बरे झाले असते. इथपर्यंत पोहोचण्यासाठी आमची स्वतःची कथा आहे, पण ही कथा आमची नाही”.
आणखी वाचा – Lead Role च्या ऑडिशन्स दिल्या पण…; मराठी अभिनेत्रीने व्यक्त केली खंत, म्हणाली, “देवाशी भांडलेले…”
याशिवाय दिव्यांकाचा पती विवेक दहिया यांनीही ही गोष्ट शेअर केली आणि लिहिले की, “आम्ही जबाबदार पत्रकारितेला महत्त्व देतो आणि आमचे चित्र आयव्हीएफशी संबंधित बातम्यांसोबत दाखवले गेले हे पाहून आश्चर्य वाटले, तर आमचा प्रवास पूर्णपणे नैसर्गिक होता. हे योग्य नाही. योग्य माहिती खूप महत्त्वाची आहे आणि आम्हाला याबद्दल कोणतीही पुष्टी दिली गेली नाही”.
दिव्यांका त्रिपाठी आणि विवेक दहिया यांचे २०१० मध्ये लग्न झाले होते आणि १० वर्षांनंतर त्यांच्या घरात आनंदाचं वातावरण आहे, ज्यासाठी दोघेही खूप उत्सुक आहेत. दिव्यांकाने तिच्या करिअरमध्ये अनेक टीव्ही शोमध्ये काम केले आहे, तर स्टार प्लस शो ‘ये है मोहब्बतें’मधील इशिता भल्लाच्या भूमिकेतून तिला सर्वाधिक लोकप्रियता मिळाली. याशिवाय या मालिकेत विवेक एसीपी अभिषेक सिंगच्या भूमिकेतही दिसला होता.
