Disha vakani father last rites : ज्येष्ठ अभिनेते आणि नाट्य कलाकार भीम वाकाणी यांचे ७ एप्रिल रोजी निधन झाले. त्यांच्या निधनाने संपूर्ण टीव्ही जग शोकसागरात बुडाले आहे. ते ‘तारक मेहता का उल्टा चष्मा’ फेम दयाबेन दिशा वाकानी आणि मयूर वाकाणी यांचे वडील होते. त्यांच्या निधनाने त्यांचे कुटुंब आणि मित्रमंडळींना मोठा धक्का बसला आहे, जे अजूनही या धक्क्यातून सावरण्याचा प्रयत्न करत आहेत. त्यांच्या मृत्यूचे नेमके कारण अद्याप अधिकृतपणे स्पष्ट झालेले नाही. दरम्यान, अंत्यसंस्काराचे अनेक व्हिडीओ समोर आले आहेत ज्यात दिशा आणि मयूर वाकाणी त्यांच्या वडिलांच्या निधनाने पूर्णपणे उद्ध्वस्त झाले आहेत आणि मोठ्याने रडत आहेत. रिपोर्ट्सनुसार, भीम वाकानी काही दिवसांपासून आजारी होते. दिशा वकानी आणि तिचे कुटुंब सध्या शोक सागरात बुडाले आहे आणि या कठीण काळात त्यांनी वैयक्तिक शोक व्यक्त न करण्याचा निर्णय घेतला आहे. दूरचित्रवाणी जगतातील अनेकांनी वाकाणी कुटुंबीयांना शोकसंवेदना पाठवल्या आहेत. भीम वकानी यांचे अंत्यसंस्कार नुकतेच पार पडले, जिथे दिशा आणि मयूर त्यांच्या वडिलांना निरोप देताना दिसले.
अंत्यसंस्काराचे अनेक व्हिडीओ सोशल मीडियावर व्हायरल होत आहेत. या व्हिडीओमध्ये दिशा वाकानी तिच्या वडिलांना अखेरची श्रद्धांजली वाहताना भावूक झालेली दिसत आहे. अंत्यसंस्कार करताना त्यांच्या डोळ्यात अश्रू स्पष्ट दिसत होते. तिने आपला चेहरा मास्कने झाकलेला होता आणि तिच्या डोक्यावर स्कार्फ होता. व्हिडीओमध्ये ती तिच्या नातेवाईक आणि कुटुंबीयांसह दिसत आहे. दिशा खूप उदास दिसत आहे आणि तिचे अश्रू आवरण्याचा प्रयत्न करताना दिसत आहे. तिचा भाऊ मयूरही पूर्णपणे तुटला आहे.
आणखी वाचा – अनंत अंबानींच्या वाढदिवसाचा जल्लोष, बॉलिवूड जामनगरीत अवतरलं, रणवीर सिंग ते सलमान खान आणि…
दिशा वकानीने तिचे वैयक्तिक आयुष्य नेहमीच गुप्त ठेवले आहे, ती तिच्या वडिलांच्या खूप जवळ होती. ती लहानपणापासून तिच्या वडिलांसोबत त्यांच्या थिएटर ग्रुपमध्ये काम करत आली. त्यांच्या मार्गदर्शनाखाली दिशा आणि तिचा भाऊ मयूर या दोघांनीही अभिनयातील बारकावे शिकले. भीम वकानी हे दिशाचे सर्वात मोठे समर्थक होते आणि त्यांनीच तिला मनोरंजन विश्वात प्रवेश करण्यास प्रेरित केले. एका मुलाखतीत मयूरने सांगितले होते की दिशाने तिचे पहिले नाटक वयाच्या पाचव्या वर्षी केले होते, ज्यामध्ये तिने ९० वर्षांच्या महिलेची भूमिका केली होती.
गुजराती थिएटरमधील एक मोठा चेहरा असण्याव्यतिरिक्त, ज्येष्ठ अभिनेत्याने अनेक लोकप्रिय बॉलिवूड चित्रपटांमध्ये सहाय्यक भूमिका देखील केल्या आहेत. भीम वाकानी अनेक चित्रपटांमध्ये सहाय्यक भूमिकांसाठी ओळखले जात होते. त्यांची कारकीर्द दीर्घ होती आणि ते ‘तारक मेहता का उल्टा चष्मा’च्या एका भागातही दिसले होते. टेलिव्हिजन व्यतिरिक्त भीम वकानी यांनी ‘हम दिल दे चुके सनम’ आणि ‘लगान’ सारख्या अनेक बॉलिवूड ब्लॉकबस्टरमध्येही काम केले. त्यांनी शाहरुख खान, माधुरी दीक्षित आणि ऐश्वर्या राय यांच्या ‘देवदास’मध्येही काम केले होते.
