Dipika Kakar Health Update : अभिनेत्री दीपिका कक्कर इब्राहिम तिच्या तब्येतीमुळे या दिवसात चर्चेत आहे. दीपिकाला यकृत कर्करोग झाला असल्याचं समोर आलं आहे. अभिनेत्रीने सोशल मीडियावर पोस्ट करुन याबद्दल माहिती दिली आहे. यानंतर, शोएब इब्राहिमने युट्युबवर एक व्हिडीओ देखील शेअर केला आहे. या व्हिडीओमध्ये शोएब आणि दीपिका यांनी तिला झालेल्या आजाराबाबत सांगितले. बरेच दिवसांपासून दीपिकाची तब्येत ठीक नसल्याचे समोर आले. तिच्या यकृतामधील टेनिस बॉल इतका ट्यूमर असल्याची माहिती पती शोएब इब्राहिमने दिली. यानंतर आता दीपिकाच्या तब्येतीबाबत मोठी अपडेट समोर आली आहे. दीपिकाला यकृताचा कर्करोग झाला असल्याच तिने पोस्ट शेअर करत सांगितलं.
शोएबने सांगितले की, आधी दीपिकाच्या पित्ताशयात खडे होते आणि त्यामुळे अभिनेत्रीला पोटदुखीचा त्रास होत होता. दीपिकाला एकाच वेळी अनेक आजार झाले आहेत. पित्ताशयातील खड्यांमुळे दीपिकाने तिच्या मुलाला रुहानला दूध पाजणं बंद केलं, त्यानंतर दीपिकाला ताप आला. दीपिकाला खूप ताप आल्यानंतर तिला रुग्णालयात दाखल करावं लागलं. त्यामुळे, दीपिकाची ट्यूमर शस्त्रक्रिया देखील पुढे ढकलण्यात आली. अंदाजे पुढी ल आठवड्यात दीपिकाच्या या ट्युमरवर शस्त्रक्रिया केली जाणार असल्याचं बोललं जात आहे.
शोएब इब्राहिमने व्हिडीओमध्ये म्हटले आहे की, “दीपिकाला होणारा पोटदुखीचा त्रास पित्ताशयातील खड्यांमुळे होता. पित्ताशयातील खड्यांमुळे वेदना सुरु झाल्या आणि नंतर तिचे हे दुखणे बरे झाले नाही. त्यानंतर आम्ही सीटीस्कॅन केलं. त्यानंतर आम्हाला कळलं की ट्यूमर आहे. आणि त्यानंतर कॅन्सरचं निदान झालं. या सगळ्यात चांगली गोष्ट म्हणजे या खड्यांमुळे मला एक मोठी गोष्ट समजली. हा आम्हा सर्वांचा कठीण काळ आहे. आणि हा काळही निघून जाईल”.
पुढे दीपिका म्हणाली, “प्रत्येकाला भीती वाटत आहे. मीसुद्धा खूप घाबरलो होतो. परंतु त्या दिवशी आम्ही रुग्णालयात बर्‍याच रूग्णांना पाहिले, आपण आपल्या सभोवतालची बरीच प्रकरणे ऐकतो आणि त्यातून मला धैर्य मिळत गेले. मी या संकटातून नक्की बाहेर पडेल. आता दीपिकाची ट्यूमर शस्त्रक्रिया पुढील आठवड्यात केली जाईल”.
