‘पवित्र रिश्ता’ या मालिकेमधून अभिनेत्री अंकिता लोखंडे घराघरात पोहोचली. तिच्या अभिनयाने सर्वांनाच भुरळ घातली. या मालिकेमध्ये तिने ‘अर्चना’ ही व्यक्तीरेखा साकारली होती. तिच्या भूमिकेला प्रेक्षकांचे खूप प्रेम मिळाले होते. त्यानंतर ती अनेक कार्यक्रमांमध्येही काम करताना दिसून आली. २०२१ साली ती विकी जैनबरोबर लग्नबंधनात अडकली. दोघेही नुकतेच ‘बिग बॉस १७’ मध्ये दिसून आले होते. यामध्ये दोघांमधील वाद पाहायला मिळाले. पण या कार्यक्रमामध्ये तिला विजेतेपद मिळाले नाही. नुकतीच ती ‘डान्स दिवाने’च्या सेटवर दिसून आली होती. तेव्हा तिच्या लूकने सगळ्यांचे लक्ष वेधून घेतले. (ankita lokhande on madhuri dixit look)
अंकिता नेहमीच चर्चेत असते. नुकतीच ती एका लूकमुळे खूप व्हायरल झाली आहे. अंकिता ‘डान्स दिवाने’च्या सेटवर ऊपस्थित होती. त्यावेळी तिने अभिनेत्री माधुरी दीक्षितसारखा लूक केला होता. ‘सैलाब’ या चित्रपटातील ‘हमको आज कल है’ या आयकॉनिक गाण्यातील माधुरीसारखी वेषभूषा केली होती. तिने पिवळ्या रंगाचा ब्लाऊज व हिरव्या रंगाची साडी परिधान केली होती. नाकात नथ व सुंदर असे दागिनेदेखील घातले होते. तसेच हेअरस्टाइलदेखील अगदी माधुरीसारखीच होती.
हा व्हिडीओ सोशल मीडियावर व्हायरल होताच चाहत्यांची खूप पसंती मिळत आहे. नेटकऱ्यांनी अनेक प्रतिक्रियादेखील दिल्या असून एका नेटकऱ्याने लिहिले की, “माधुरी व तू एकदम जुळ्या बहिणी वाटत आहात”. तर काही नेटकऱ्यांनी तिला लूकवरुन ट्रोलदेखील केले आहे. यामध्ये नेटकऱ्याने लिहिले आहे की, स्वतःला माधुरी समजू नकोस”, दुसऱ्या नेटकऱ्याने लिहिले की, “ही नेहमी माधुरीची कॉपी करते”.
काही दिवसांपूर्वी तिचा ‘स्वातंत्र्य वीर सावरकर’ या चित्रपटामध्ये ‘यमुनाबाई’ ही भूमिका साकारली होती. या भूमिकेला प्रेक्षकांचे खूप प्रेम मिळाले होते. तिने या चित्रपटासाठी एकही पैसा घेतला नसल्याचे निर्मात्यांनी सांगितले. तसेच चित्रपटाच्या वेळी या चित्रपटामध्ये अंकिताला कास्ट न करण्याचा निर्णय घेतला होता. याचे कारण सांगताना तिने सांगितले की, रणदीप हुड्डाच्या मते ती या भूमिकेसाठी खूप सुंदर होती.