छोट्या पडद्यावरील ‘तारक मेहता का उल्टा चष्मा’ या मालिकेत रोशन कौर सोढीची भूमिका साकारणारी अभिनेत्री जेनिफर मिस्त्री ही गेले काही दिवस चांगलीच चर्चेत आहे. मालिकेच्या निर्मात्यांनी लैंगिक शोषण केल्याच्या बातम्यांमुळे ती चर्चेत आली. अशातच आता ती पुन्हा एकदा तिच्या बहिणीच्या आजारपणावरुन चर्चेत आली आहे. जेनिफर मिस्त्रीची धाकटी बहीण आजारी असून ती व्हेंटिलेंटरवर आहे आणि ती तिच्या जीवन-मृत्यूची लढाई लढत आहे.
‘टाईम्स ऑफ इंडिया’च्या वृत्तानुसार, ‘तारक मेहता का उल्टा चष्मा’ फेम जेनिफर तिच्या वैयक्तिक आयुष्यात अनेक अडचणींमधून जात आहे. याबद्दल तिने असं म्हटलं की, “माझ्या लहान बहिणीची प्रकृती गंभीर आहे. म्हणूनच मी माझ्या गावी आली आहे. ती सध्या व्हेंटिलेटरवर आहे आणि यावेळी तिला माझी सर्वात जास्त गरज आहे. तिची प्रकृती खूपच गंभीर आहे आणि ती तिच्या आजारपणाचा संघर्ष करत आहे. अशा परिस्थितीत मला त्याच्याबरोबर राहावे लागत आहे.”
आणखी वाचा – “माझे आई व वडील दोघंही आता नाहीत आणि…”, महेश मांजरेकर आई-वडिलांच्या आठवणीत भावुक, म्हणाले, “वाईट वाटतं की…”
यापुढे तिने असं म्हटलं आहे की, “गेल्या दीड वर्षांपासून माझ्या आयुष्यात खूपच संघर्ष सुरु आहे. माझ्या धाकट्या भावाच्या मृत्यूनंतर मी माझ्या माहेरच्या सात मुलींचा सांभाळ करत आहे. यावेळी असित मोदी प्रकरण घडले. या सर्व गोष्टी एकत्र सांभाळणे माझ्यासाठी खूप अवघड होते. त्यामुळे गेले काही महिने माझ्यासाठी त्रासदायक होते. तसेच तारक मेहता’ सोडल्यानंतर तिला आतापर्यंत कोणत्याही भूमिकेची ऑफर आली नाही. कोणत्याही प्रॉडक्शन हाऊसकडून तिला नवीन रोल मिळाला नाही.”
आणखी वाचा – नेत्राच्या हातून विरोचकाचाही अंत, देवी आईचा संकेत की अजून काही, मालिकेत पुढे काय घडणार?
जेनिफरने काही दिवसांपूर्वी ‘तारक मेहता का उल्टा चष्मा’च्या निर्मात्याविरुद्ध लैंगिक छळाचा खटला जिंकला होता. न्यायालयाने असित मोदी यांना ५ लाख रुपये भरपाई आणि थकबाकी भरण्यास सांगितले आहे. मात्र असित मोदींनी त्यांना अद्याप या नुकसान भरपाईची रक्कम दिली नाही. त्यामुळे अभिनेत्रीला सध्या अनेक आर्थिक त्रासांतून जावे लागत आहे. याचवेळी ती तिच्या कौटुंबिक समस्यांमधूनही जात आहे.
