Tanaji Galgunde Goodnews : ‘सैराट’ या चित्रपटाने रसिकांच्या मनावर अधिराज्य गाजवलं. अनेक वर्ष होऊनही हा चित्रपट आजही कोणी विसरलेलं नाही. या चित्रपटातील गाण्यांनी तर साऱ्यांना वेड केलं. आजही या चित्रपटातील ‘झिंग झिंग झिंगाट’ हे गाणं लागलं की साऱ्यांचे पाय थिरकतात. या चित्रपटातील सगळेच कलाकार नवोदित होते. मात्र या चित्रपटाच्या भरघोष यशानंतर या कलाकारांना खऱ्या अर्थाने लोकप्रियता मिळाली. आजही या चित्रपटातील आर्ची, परशा आणि त्यांचे मित्र यांच्या चर्चा रंगलेल्या आहेत.
रिंकू राजगुरू व आकाश ठोसर यांच्यासह आणखी लंगड्या आणि सल्या या दोन पात्रांनाही विशेष लोकप्रियता मिळाली. लंगड्या हे पात्र या चित्रपटात अभिनेता तानाजी गळगुंडे याने साकारलं होतं. तानाजीचे या चित्रपटाने आयुष्य बदललं. त्यानंतर त्याने अनेक चित्रपटांमधून महत्त्वपूर्ण भूमिका साकारत रसिकांच्या मनावर अधिराज्य गाजवलं. सोशल मीडियावरही तानाजी बऱ्यापैकी सक्रिय असतो. यामुळे तो अनेकदा चर्चेतही आला आहे. मात्र आता तानाजी एका विशेष कारणाने चर्चेत आला आहे.
आणखी वाचा – प्राजक्ता गायकवाडच्या साखरपुड्याची जोरदार तयारी, हातावर रंगली होणाऱ्या नवऱ्याच्या नावाची मेहंदी, नाव आहे…
तानाजीचे वैयक्तिक आयुष्य सध्या चर्चेत आलं आहे. तानाजीच्या आयुष्यात एका नव्या पाहुण्याचं आगमन होणार असल्याची चर्चा सुरु आहे. गेल्या काही वर्षांपासून प्रतीक्षा शेट्टीबरोबर तो लिव्ह इन मध्ये राहत असल्याच्या चर्चा होत्या. गेल्या पाच-सहा वर्षांपासून ते एकत्र आहेत. प्रतिक्षाच्या इंस्टाग्राम अकाउंटवर तिने तानाजी बरोबरचे अनेक फोटो शेअर केले आहेत. त्यामुळे अर्थातच त्यांचं काहीतरी नातं असल्याचं कळतंय.
आणखी वाचा – लाईव्ह परफॉर्मन्स सुरु असतानाच अंतर्वस्त्र फेकलं आणि…; कलाकारानेच दाखवलं नेमकं काय घडलं, व्हिडीओ व्हायरल
सूत्रानुसार, त्यांनी गेल्यावर्षी लग्न केलं असल्याचं म्हटलं. मात्र याबाबत त्यांनी कोणालाही सांगितलं आहे. वा कोणतेही फोटो समोर आले नाहीत. अशातच आता प्रतीक्षाच्या अकाऊंटवरून तिने तिचे डोहाळ जेवणाचे काही फोटो पोस्ट केले आहेत. हे फोटो पाहून आता तानाजी बाबा होणार का असा प्रश्न साऱ्यांना पडला आहे. तानाजीने त्याच्या या नात्याबाबत काहीही सांगितलेलं नसलं तरी अद्याप या चर्चांना उधाण आलं आहे.
