vivek sangle new home : मुंबईसारख्या शहरात स्वतःच हक्काचं घर घेणे हे प्रत्येकाचं स्वप्न असतं. अगदी सर्वसामान्यांपासून ते कलाकार मंडळींनाही मुंबईत आपलं घर असावं असं वाटतं. पण बरेचदा आर्थिक अडचणींमुळे हे स्वप्न अपुरं राहतं, तर काहींची हे स्वप्न पूर्ण करण्यासाठीची धडपड मात्र सुरुच असते. अशी अनेक कलाकार मंडळी आहेत ज्यांनी मुंबईत स्वतःच घर घेत त्यांचं एक स्वप्न पूर्ण केलं आहे आणि याबाबत त्यांनी सोशल मीडियाद्वारे चाहत्यांना गुडन्यूज दिली आहे. अशातच आता आणखी एका मराठमोळ्या अभिनेत्याने मुंबईत नवं घर घेतलं असल्याची आनंदाची बातमी समोर आली आहे.
मुंबईसारख्या शहरात स्वतःच हक्काचं नवं घर घेणारा हा अभिनेता म्हणजेच मालिका विश्वातील लोकप्रिय चेहरा विवेक सांगळे. विवेकने आजवर अनेक मालिकांमध्ये महत्त्वपूर्ण भूमिका साकारत रसिक प्रेक्षकांच्या मनात घर केलं. ‘देवयानी’ या मालिकेपासून सुरु झालेला विवेकचा प्रवास आता ‘लग्नानंतर होईलच प्रेम’ या मालिकेपर्यंत येऊन पोहोचला आहे. या मालिकेत विवेक जीवा देशमुख ही भूमिका साकारत आहे. विवेकने घर घेतलं असल्याची बातमी समोर आली आहे. मुंबईतील लालबाग परिसरात त्याने हे घर घेतलं असल्याचं दिसतंय.
आणखी वाचा – प्राजक्ता गायकवाडच्या साखरपुड्याची जोरदार तयारी, हातावर रंगली होणाऱ्या नवऱ्याच्या नावाची मेहंदी, नाव आहे…
विवेकचे घर डिझाईन करणाऱ्या elemets 5 design studio या कंपनीच्या पेजवरुन विवेकच्या नव्या घराची झलक पाहायला मिळाली. इतकंच नाही तर हे घर विवेकने लालबागमध्ये घेतलं असल्याचं दिसत आहे. त्याचे घर डेकोरेट करणाऱ्या टीमने विवेकला शुभेच्छा देतानाचा फोटोही शेअर केला आहे, आणि ‘हॅप्पी न्यू होम’ असं कॅप्शन या फोटोला दिलं आहे. यावरुन विवेकने नवं घर घेतलं असल्याचं स्पष्ट झालं. शिवाय त्यांनी शेअर केलेल्या व्हिडीओमध्ये त्याच्या घराची झलकही पाहायला मिळाली.
विवेकचे हे आलिशान असं घर खूप सुंदर पद्धतीने डेकोरेट केलं असल्याचं पाहायला मिळत आहे. उत्तम फर्निचर, सुंदर सजावट असलेलं हे विवेकच घर खूपच खास आहे. अभिनयक्षेत्रात कोणताही वारसा नसताना स्वमेहनतीच्या जोरावर विवेकने आपलं स्थान निर्माण केलं. आणि यांत प्रगती करत त्याने स्वतःच घर घेण्याचं स्वप्नही पूर्ण केलं. विवेकच्या घरी गणरायाचं आगमन होतं, त्यामुळे यंदाचा विवेकचा बाप्पा हा त्याच्या नव्या घरात पाहायला मिळेल.
