सध्या कलाकारांचं व्हॅकेशन मोड सुरु आहे. बरेच कलाकार आपल्या कुटुंबासोबत भारतात वा भारताबाहेर दौरा करण्यात व्यस्त आहेत. अशातच अभिनेत्री स्वाती देवल तिच्या कुटुंबासोबत हिमाचल प्रदेश येथे फिरायला गेली होती. काही दिवसांपासून उत्तरेकडील राज्यात अतिवृष्टीने माजवलेल्या हाहाकाराने रौद्ररूप धारण केलं आहे. या राज्यात मोठ्या प्रमाणात पर्यटक येत असतात. अशातच काही दिवसांपूर्वीच जाऊन आलेल्या अभिनेत्री स्वाती देवल हिने या पूरजन्यक परिस्थितीवर भाष्य केलं आहे. (swati deval story)
‘माझी तुझी रेशीमगाठ’ या मालिकेतील मीनाक्षी या पात्रामुळे अभिनेत्री स्वाती देवल हिला विशेष ओळख मिळाली. स्वातीने इन्स्टाग्रामवर पोस्ट शेअर करत उत्तरेकडील राज्यावर ओढवलेल्या संकटावर भाष्य केलं आहे. काही आठवड्यांपूर्वी स्वाती तिच्या कुटुंबाबरोबर हिमाचल, शिमला, कुल्लू या ठिकाणी फिरण्यासाठी गेली होती. मात्र आता या ठिकाणाची झालेली अवस्था पाहून तिने हळहळ व्यक्त केली आहे.
पाहा पूरस्थितीवर काय म्हणाली स्वाती (swati deval story)
स्वातीने पोस्ट करत लिहिलं आहे की, ‘आहे…. या शब्दात वर्तमान जीव, प्राण, अर्थ आहे… पण ‘होतं’ यात भूतकाळ… मागच्याच महिन्यात अगदी २ आठवडे तर झालेत फक्त… हिमाचल, शिमला, सिस्सू, कुल्लू आणि मनिकरण पाहिलं… आणि टीव्हीवर त्याच रस्त्यांची, वसाहतींची वाताहत पाहून मन भरुन आलं… ज्या रस्त्यांवर उभं राहून तिथल्या सौंदर्याला मनात, फोटोत कैद केले त्याची फार दुरवस्था झाली आहे. किंबहुना फक्त खुणा राहिल्या आहेत. ज्या गुरुद्वाराच्या पुलावर उभे राहून फोटो काढले. तोच वाहून गेला… संपलं क्षणात?
मन खिन्न झालं… ज्यांचं नुकसान झालं, त्यांना देव पुन्हा उभारण्याची हिंमत देवो. त्या ट्रीपमध्ये आमच्यारोबर असणाऱ्या ड्रायव्हरचं घर हिमालयमध्ये आहे. त्यांची चौकशी केली…ते बरे आहेत कळल्यावर थोडं बरं वाटलं”. या सोबत स्वातीने तेथील त्यांचे फिरतानाचे अनेक फोटोस आणि व्हिडीओज ही पोस्ट केले आहेत.
हे देखील वाचा – त्यांनीच खरंतर लोकशाही धोक्यात आणली ! सचिन गोस्वामींची फेसबुक पोस्ट चर्चेत
स्वातीने केलेली ही पोस्ट चांगलीच चर्चेत आली आहे. स्वातीने हिमाचल प्रदेश येथील अनेक फोटोज आणि व्हिडीओज चाहत्यांसोबत पोस्ट केले आहेत. या फोटोंमध्ये स्वाती तिचा पती तुषार आणि तिचा लेक पाहायला मिळाला. स्वातीचा पती ‘चला हवा येऊ द्या’ कार्यक्रमातील प्रसिद्ध संगीत संयोजक आणि संगीतकार आहे.
