देशभरात गणेशोत्सव जल्लोषात साजरा होत आहे. कलाकार मंडळींच्या घरीही लाडक्या बाप्पाचं आगमन झालं असून अनेकांनी बाप्पाच्या स्वागताची जय्यत तयारी केली आहे. छोट्या पडद्यावरील ‘ठिपक्यांची रांगोळी’ या मालिकेतून घराघरात पोहोचलेली अभिनेत्री सुप्रिया पाठारेच्या घरी गणरायाचे आगमन झाले आहे. यावेळी तिने बाप्पासाठी खास सजावट केली असून या सजावटीसाठी सुप्रियाला तिच्या मुलांबरोबर मालिकेतील सहकलाकारांची साथ मिळाली आहे. (Supriya Pathare Ganeshotsav)
गणेशोत्सवानिमित्त ‘इट्स मज्जा’ला दिलेल्या मुलाखतीत सुप्रियाने बाप्पाबरोबरच्या आठवणी सांगितल्या. तसेच सजावट कशाप्रकारे केली? याबाबतही तिने दिलखुलासपणे सांगितलं. सुप्रिया म्हणाली, “फेसबुकद्वारे मी डेकोरेशनचे व्हिडीओ बघत होते. तिथूनच डेकोरेशनची कल्पना आली. माझी ‘ठिपक्याची रांगोळी’ मालिकेची जी गर्ल्स गँग आहे म्हणजेच तन्वी, सई, ज्ञानदा, नम्रता सगळ्यांनीच माझ्या बाप्पाच्या डेकोरेशनची तयारी केली. मी डेकोरेशनची खरेदीही केली नाही. माझ्या मुलींनीच ही खरेदी केली. दादरला जाऊन त्यांनी सामान आणलं. आणि हे सगळं आम्ही शॉटिंगच्या मधल्या वेळेत बनवलं आहे.”
हे देखील वाचा – दुसरीमध्ये असताना काढलेल्या गणपतीच्या चित्राचा फोटो हेमांगीने केला शेअर, म्हणाली, “चित्रकार व्हायचं ठरवलेलं पण…”
पुढे ती म्हणाली, “सध्या आम्ही या छोट्या घरात राहतो, मात्र लवकरच अजून मोठ्या घरात जाऊ. आमचा बाप्पाचं हे अठरावं वर्ष असून पुढच्या वर्षी तो १९ वर्षांचा होणार आहे. असं म्हणतात की अठरावा वर्ष धोक्याचं असतं, पण आपल्याकडे कुठलेच धोके नसतात कारण स्वतः बाप्पा बसलेले असतात. त्यामुळे मी बाप्पाकडे सगळ्यांना सुखी, समाधानी व हसत ठेवण्याची मागणी मागते.”