साऊथचा सुपरस्टार रजनीकांत यांचा बहुचर्चित ‘जेलर’ चित्रपटाचा ट्रेलर नुकतंच समोर आला आहे. ज्यात रजनीकांतचा अॅक्शनपॅक अंदाज पाहून चाहते प्रचंड खुश झाले आहेत. चित्रपटाच्या ट्रेलरमुळे प्रेक्षकांची उत्सुकता शिगेला पोहचली असून ‘जेलर’मध्ये रजनीकांतची जादू पुन्हा एकदा प्रेक्षकांवर चालणार का ? हे पाहायला मिळणार आहे. (rajnikanth’s jailer trailer out)
‘जेलर’च्या ट्रेलरची सुरुवात जबरदस्त अॅक्शन आणि गोळीबारीने होते. चित्रपटाची कथा एका जेलरची असून ज्याच्या तुरुंगात एका खतरनाक टोळीचा म्होरक्या कैद आहे. त्या टोळीतील माणसे जेलरच्या तुरुंगातून म्होरक्याची सुटका करण्यासाठी धोकादायक योजना आखतात. जेलर मुथुवेल अत्यंत कडक स्वभावाचे पण प्रामाणिक असतात. पण त्या जेलर आणखी एक रूप आहे जी खूप भयानक आहे. आणि ते रूप त्यांच्या घरातील कोणत्याही सदस्यांना माहित नसते.
चित्रपटात रजनीकांतचा अवतार पाहून चाहते फारच खुश झाले असून ट्रेलरमधील अॅक्शन सीन्स पाहताना अंगावर अक्षरशः काटा येत असल्याचे चाहते सोशल मीडियावर बोलतायत. सुपरस्टार रजनीकांतच्या या चित्रपटात अभिनेते जॅकी श्रॉफ, मोहनलाल, शिवा राजकुमार, तमन्ना, राम्या कृष्णन व अन्य कलाकार दिसणार आहेत. (rajnikanth’s jailer movie)
चित्रपटाचे दिग्दर्शन नेल्सन दिलीप कुमार यांनी केलं आहे. ज्यांनी याआधी थलापती विजयच्या ‘बीस्ट’ चित्रपटाचे दिग्दर्शन केलं आहे. हा चित्रपट येत्या १० ऑगस्टला तामिळसह हिंदी, कन्नड आणि तेलगू भाषेत रिलीज होणार आहे. (rajnikanth’s jailer movie)