Kapil Honrao On Riteish Deshmukh : ‘राजा शिवाजी’ या आगामी मराठी चित्रपटाची सर्वत्र चर्चा सुरु असलेली पाहायला मिळत आहे. रितेश देशमुखच्या या चित्रपटाची सर्वत्र चर्चा सुरु आहे. येत्या १ मे रोजी हा सिनेमा सिनेमागृहात पाहायला मिळणार आहे. या चित्रपटात मराठी कलाकारांची फौज पाहायला मिळणार आहे. चित्रपटाचा टिझर आल्यापासून या चित्रपटाबाबतची उत्सुकता वाढली आहे. अभिनेता रितेश देशमुख या सिनेमात छत्रपती शिवाजी महाराजांची भूमिका साकारत आहे. या सिनेमामध्ये मालिकाविश्वातील एक चेहराही पाहायला मिळणार आहे. ‘सुख म्हणजे नक्की काय असतं’ या स्टार प्रवाह वाहिनीवरील मालिकेतील मल्हार म्हणजेच अभिनेता कपिल होनराव याने सुद्धा महत्त्वपूर्ण भूमिका साकारली आहे. रितेश देशमुखसह काम करण्याचं कपिल होनरावचं स्वप्न होतं.
काल गुढीपाडव्याच्या दिवशी कपिलला अभिनेता रितेश देशमुखने स्वतःहून समोरून फोन केला. आणि त्यामुळे त्याचा आनंद गगनात मावेनासा झाला. हा आनंद त्याने इंस्टाग्राम अकाउंटवर शेअर केला आहे. अभिनेत्याने दोन स्क्रीन शॉट पोस्ट केले आहेत. त्यातील एका स्क्रीनशॉटमध्ये लिहिले आहे की, “यापेक्षा बेस्ट गुढीपाडवा होऊ शकतो का? जेव्हा सुपरस्टार दिग्दर्शक तुम्हाला स्वतः फोन करतात. रितेश देशमुख सरांचा स्वतःहून फोन येणं ही खूप मोठी गोष्ट आहे. त्यांचा ड्रीम प्रोजेक्ट असलेल्या ‘राजा शिवाजी’ सिनेमाचा मी एक भाग आहे याचा मला प्रचंड अभिमान आहे. ‘राजा शिवाजी’ हा सिनेमा येत्या १ मे रोजी रिलीज होत आहे”.
आणखी वाचा – मराठमोळ्या अभिनेत्याने सुरु केला नवा व्यवसाय, पारंपरिक व्यवसायाने जिंकली मन, कलाकारांनीही केलं कौतुक
दुसरी एक स्टोरी शेअर करत त्याने लिहिले की, “मी जवळपास एक वर्ष त्यांच्यासोबत काम केलं पण कधीच त्यांचा नंबर मागितला नाही. आपलं काम प्रामाणिक करायच आणि घरी जायचं हे मी इमानदारीने करत आलो. खूप वेळा वाटलं की त्यांचा नंबर मागूया पण कधीच हिम्मत झाली नाही. मग स्वतःला सांगितलं ठीक आहे आपलं काम करत राहायचं आणि आज स्वतः रितेश देशमुख सरांचा फोन आला ते खरंच सुपरस्टार आहेत”.
आणखी वाचा – भारती सिंहचा लेक दिसतो इतका क्युट, पहिल्यांदाच दाखवला चेहरा, हुबेहूब…
‘राजा शिवाजी’ सिनेमा बद्दल बोलायचे झाल्यास हा सिनेमा येत्या १ मे रोजी मोठ्या पडद्यावर पाहायला मिळणार आहे. चित्रपटाच्या टीझरमध्ये रितेश देशमुख सह जेनेलिया देशमुख, संजय दत्त, महेश मांजरेकर, सचिन खेडेकर, अभिषेक बच्चन, फरदीन खान, जितेंद्र जोशी, भाग्यश्री पटवर्धन यांसारख्या तगड्या कलाकारांची झलक दिसत आहे.
