pandharpur wari news : आषाढी वारी ही महाराष्ट्राची एक धार्मिक परंपरा आहे. जी शेकडो वर्षांपासून महाराष्ट्रात चालत आली आहे. आषाढ महिना आला की, लाखो भक्तांना ओढ लागते ती म्हणजे पंढरपूरला भेटण्याची. ज्यामुळे असंख्य वारकरी प्रस्थान सोहळे करत विठूरायच्या गजरात पंढरपुरच्या दिशेने पायी चालत जातात. भजन कीर्तन करीत विठूरायाला भेटण्यासाठी लाखों मैल पायवारी करतात. रात्रंदिवस पायवारी करत ही विठ्ठलाच्या नामस्मरणात तल्लीन झाल्यामुळे त्यांना शारीरिक कष्टात ही सुख वाटते. रोज चालणं आणि ऊन-पावसाची पर्वा न करता विठ्ठल भेटीसाठी वारकऱ्यांच मन विठूरायच्या दिशेने चालत राहतं.
बहुतेक जणांना या वारीत त्यांचा कामामुळे सहभागी होता येत नाही. ज्यामुळे ते वेळ मिळाल्यावर वारकरांच्या सेवेसाठी सहभागी होतात. ज्यामध्ये मनोरंजन क्षेत्रातील कलाकारांचा देखील समावेश होतो. तर अशातच स्टार प्रवाह वाहिनी वरील काही कलाकार मंडळीसुद्धा या वारी सोहळ्यात सहभागी होताना दिसले. तर स्टार प्रवाह वरील वारी सोहळ्याचे निवेदन अभिनेता आदेश बांदेकर करत आहेत. ज्यामध्ये त्यांनी विठुरायाच्या गजरासह वारी सोहळ्यातील सहभागी असणाऱ्या प्रत्येक वारकऱ्यांची सेवा करतानाही दिसली.
आणखी वाचा – शेफाली जरीवालाच्या शोकसभेत ढसाढसा रडले वडील, सासऱ्यांना सांभाळत राहिला पराग त्यागी, भावुक Video Viral
नुकतेच स्टार प्रवाहने त्यांच्या सोशल मीडिया अकॉउंटवर एक व्हिडीओ शेअर केला. ज्यामध्ये अभिनेता सुमित पुसावळे, अभिनेता उदय नेने आणि अभिनेता आदेश बांदेकर यांनी दिवसभर चालून थकलेल्या वारकऱ्यांच्या पायांची मालिश करुन त्यांची सेवा केली. या कलाकरांच्या सेवेचा हा व्हिडीओ सध्या सोशल मीडियावर व्हायरल होत आहे. अनेकांनी त्यांच्या या कृतीच कौतुक देखील केलं. “खूप छान, हीच खरी ईश्वरी सेवा,उत्तम सेवा” असं लिहीत उत्तम प्रतिसाद ही दिला.
आणखी वाचा – २५ वर्षांनंतर नियती राजवाडेचं मालिकाविश्वात कमबॅक, ‘झी मराठी’ वाहिनीवरील नव्या मालिकेतून छोटा पडदा गाजवणार
स्टार प्रवाह वाहिनीच्या उदय नेने आणि सुमित पुसावळे या कलाकारांसह अभिनेते आदेश बांदेकरही या सेवेत मग्न झाले आहेत. मलम लावत त्यांनी वारकऱ्यांच्या पायाला मालिश केली आहे. सध्या कलाकारांच्या सेवेचा हा व्हिडीओ सोशल मीडियावर तुफान व्हायरल होत आहे. आणि चाहत्यांसह अनेक प्रेक्षक मंडळीही या व्हिडीओला पंसती दर्शवित आहेत.
